Ýchaskelik polısıa ınspektory Darhan Turǵanov aýyldastary «Meıirimdi júregi bar adam» dep ataıdy.

Kúni keshe ǵana ol Arqalyqtan 48 shaqyrym jerde ornalasqan Úshtóbe aýylynyń turǵyndaryna tegin nan taratty. Sý tasqyny saldarynan bul baǵytta jol júrý qıyndaǵan bolatyn.

Osydan keıin ýchaskelik polısıa ınspektory Vostochnyı aýylynyń naýbaıhanasynan 50 nan satyp alyp, dosymnan "Nıvasyn" alyp, Úshtóbe aýylyna nan aparýǵa sheshim qabyldaǵan.

Darhan Turǵanov úshtóbilikter tegin ystyq nan aparatynyn vatsaptaǵy jalpy chatta habarlaǵan. Osylaısha ystyq nan aýyl turǵyndaryna der kezinde jetkizilgen. Óz kezeginde aýyl turǵyndary «Darhan jaraısyń!», «Alla razy bolsyn!», «Kómegin úshin raqmet!» dep aq tilekterin jaýdyrdy.  

Arqalyq polısıasy mundaı kómekti únemi júrgizýdi josparlap otyr.

Esterińizge sala keteıik, aǵymdaǵy jyldyń qańtar aıynda Darhan Turǵanov dalada úsh kún boıy boranda joǵalyp ketken malshyny tapqan bolatyn.