ۋچاسكەلىك پوليسيا ينسپەكتورى دارحان تۇرعانوۆ اۋىلداستارى «مەيىرىمدى جۇرەگى بار ادام» دەپ اتايدى.
كۇنى كەشە عانا ول ارقالىقتان 48 شاقىرىم جەردە ورنالاسقان ۇشتوبە اۋىلىنىڭ تۇرعىندارىنا تەگىن نان تاراتتى. سۋ تاسقىنى سالدارىنان بۇل باعىتتا جول ءجۇرۋ قيىنداعان بولاتىن.
وسىدان كەيىن ۋچاسكەلىك پوليسيا ينسپەكتورى ۆوستوچنىي اۋىلىنىڭ ناۋبايحاناسىنان 50 نان ساتىپ الىپ، دوسىمنان "نيۆاسىن" الىپ، ۇشتوبە اۋىلىنا نان اپارۋعا شەشىم قابىلداعان.
دارحان تۇرعانوۆ ۇشتوبىلىكتەر تەگىن ىستىق نان اپاراتىنىن ۆاتساپتاعى جالپى چاتتا حابارلاعان. وسىلايشا ىستىق نان اۋىل تۇرعىندارىنا دەر كەزىندە جەتكىزىلگەن. ءوز كەزەگىندە اۋىل تۇرعىندارى «دارحان جارايسىڭ!»، «اللا رازى بولسىن!»، «كومەگىن ءۇشىن راقمەت!» دەپ اق تىلەكتەرىن جاۋدىردى.
ارقالىق پوليسياسى مۇنداي كومەكتى ۇنەمى جۇرگىزۋدى جوسپارلاپ وتىر.
ەستەرىڭىزگە سالا كەتەيىك، اعىمداعى جىلدىڭ قاڭتار ايىندا دارحان تۇرعانوۆ دالادا ءۇش كۇن بويى بوراندا جوعالىپ كەتكەن مالشىنى تاپقان بولاتىن.
