Tarazda qyzdar 9-synyp oqýshysyn aiaýsyz urǵan. Bul týraly jábirlenýshiniń anasy áleýmettik jelide aitty, dep habarlaidy Dalanews.kz.
Onyń sózinshe, 7-8 qyz kastet qoldanyp, qyzyn jabylyp uryp ketken. Ol quzyrly organdardan arasha surady.
Jambyl oblysy Politsiia departamenti málimetinshe, bul derek boiynsha qylmystyq is qozǵalǵan, tóbeleske qatysýshylardyń barlyǵy anyqtalyp, politsiia bólimine jetkizilgen.
Kámeletke tolmaǵandardyń ata-analary balalaryn tárbieleý jónindegi mindetin tiisinshe oryndamaǵany úshin jaýapkershilikke tartylǵan.
"Jasóspirimderdiń áreketi kámeletke tolmaǵandardyń isteri jáne olardyń quqyqtaryn qorǵaý jónindegi komissiia otyrysynda qaraldy. Qorytyndysy boiynsha jasóspirimder profilaktikalyq esepke alyndy. Qazir oqiǵanyń barlyq mán-jaiy men sebepterin jan-jaqty anyqtaýǵa baǵyttalǵan tergeý júrgizilip jatyr. Nátijesine sáikes tiisti protsessýaldyq sheshim qabyldanady", - dedi politsiia.
