Tarazda jekemenshik mektepterdiń biri litsenziianyń bolmaýyna bailanysty birinshi oqý toqsanynan keiin jabyldy, - dep habarlaidy Dalanews.kz Qaz365.kz-ke siltep.
Ata-analar balalardyń oqý aqysyn million teńgege jýyq tólep qoiǵandaryn aitady. Alaida qazir balalar birinshi toqsannyń tabelinsiz qalyp, olardyń oqý protsesi buzyldy.
«Bul óreskel jaǵdai. Úsh ai litsenziiasyz jumys istegen mektep kenetten jumysyn toqtatyp, 250 oqýshynyń úlgerimi rastalmai qaldy», - dep ashýlandy ata-analar.
Olar kóptegen orta mektep oqýshylary úshin (9-11 synyptar) mundai úzilister bitirý emtihandaryna daiyndyqqa áser etýi múmkin ekenin atap kórsetedi.
Oqý-aǵartý ministrligi osy máselege qatysty pikir bildirgen.
«QR «Bilim týraly» Zańyna sáikes, bilim berý qyzmetin bastamas buryn uiymdar litsenziia alý qajet. Bilim berý qyzmetin júzege asyrý quqyǵy bilim berý uiymdarynda litsenziia alǵan sátten bastap paida bolady. Eger mektep memlekettik tirkeýden ótkennen keiin alty ai ishinde litsenziia almasa, ol sot tártibimen jabylýǵa jatady.
Atalǵan mektep 2024 jyldyń qyrkúiek aiynan bastap litsenziiasyz jumys istegen. QR «Bilim týraly» Zańyna sáikes, Jambyl oblysynyń bilim berý salasyndaǵy sapany qamtamasyz etý departamentimen ákimshilik is qozǵalyp, hattama toltyrylyp, aiyppul salyndy.
Bul másele boiynsha Taraz qalalyq bilim bóliminiń basshysy ata-analarmen kezdesý ótkizip, túsindirý jumysyn júrgizdi. Qazirgi tańda jaǵdai turaqty. Sondai-aq barlyq oqýshylar Taraz qalasyndaǵy memlekettik mektepterge shaǵyn aýdandar boiynsha qaita ornalastyryldy», – dep jazylǵan habarlamada.
