تارازدا جەكەمەنشٸك مەكتەپتەردٸڭ بٸرٸ ليتسەنزييانىڭ بولماۋىنا بايلانىستى بٸرٸنشٸ وقۋ توقسانىنان كەيٸن جابىلدى, - دەپ حابارلايدى Dalanews.kz Qaz365.kz-كە سٸلتەپ.
اتا-انالار بالالاردىڭ وقۋ اقىسىن ميلليون تەڭگەگە جۋىق تٶلەپ قويعاندارىن ايتادى. الايدا قازٸر بالالار بٸرٸنشٸ توقساننىڭ تابەلٸنسٸز قالىپ, ولاردىڭ وقۋ پروتسەسٸ بۇزىلدى.
«بۇل ٶرەسكەل جاعداي. ٷش اي ليتسەنزيياسىز جۇمىس ٸستەگەن مەكتەپ كەنەتتەن جۇمىسىن توقتاتىپ, 250 وقۋشىنىڭ ٷلگەرٸمٸ راستالماي قالدى», - دەپ اشۋلاندى اتا-انالار.
ولار كٶپتەگەن ورتا مەكتەپ وقۋشىلارى ٷشٸن (9-11 سىنىپتار) مۇنداي ٷزٸلٸستەر بٸتٸرۋ ەمتيحاندارىنا دايىندىققا ەسەر ەتۋٸ مٷمكٸن ەكەنٸن اتاپ كٶرسەتەدٸ.
وقۋ-اعارتۋ مينيسترلٸگٸ وسى مەسەلەگە قاتىستى پٸكٸر بٸلدٸرگەن.
«قر «بٸلٸم تۋرالى» زاڭىنا سەيكەس, بٸلٸم بەرۋ قىزمەتٸن باستاماس بۇرىن ۇيىمدار ليتسەنزييا الۋ قاجەت. بٸلٸم بەرۋ قىزمەتٸن جٷزەگە اسىرۋ قۇقىعى بٸلٸم بەرۋ ۇيىمدارىندا ليتسەنزييا العان سەتتەن باستاپ پايدا بولادى. ەگەر مەكتەپ مەملەكەتتٸك تٸركەۋدەن ٶتكەننەن كەيٸن التى اي ٸشٸندە ليتسەنزييا الماسا, ول سوت تەرتٸبٸمەن جابىلۋعا جاتادى.
اتالعان مەكتەپ 2024 جىلدىڭ قىركٷيەك ايىنان باستاپ ليتسەنزيياسىز جۇمىس ٸستەگەن. قر «بٸلٸم تۋرالى» زاڭىنا سەيكەس, جامبىل وبلىسىنىڭ بٸلٸم بەرۋ سالاسىنداعى ساپانى قامتاماسىز ەتۋ دەپارتامەنتٸمەن ەكٸمشٸلٸك ٸس قوزعالىپ, حاتتاما تولتىرىلىپ, ايىپپۇل سالىندى.
بۇل مەسەلە بويىنشا تاراز قالالىق بٸلٸم بٶلٸمٸنٸڭ باسشىسى اتا-انالارمەن كەزدەسۋ ٶتكٸزٸپ, تٷسٸندٸرۋ جۇمىسىن جٷرگٸزدٸ. قازٸرگٸ تاڭدا جاعداي تۇراقتى. سونداي-اق بارلىق وقۋشىلار تاراز قالاسىنداعى مەملەكەتتٸك مەكتەپتەرگە شاعىن اۋداندار بويىنشا قايتا ورنالاستىرىلدى», – دەپ جازىلعان حابارلامادا.
