Jambyl oblysynyń Taraz qalasynda qaıǵyly oqıǵa boldy. Er adam kópshilik kózinshe besinshi qabattyń balkonynan sekirip ketti, dep habarlaıdy Dalanews.kz.

Oblystyq tótenshe jaǵdaılar departamentiniń málimetinshe, 7 sáýir kúni keshki ýaqytta er adam 15-shi shaǵyn aýdandaǵy úılerdiń birindegi páterde bolǵan. Ol psıhonevrologıalyq esepte turǵan jáne ózine zıan keltiremin dep qorqytqan.

Oqıǵa ornyna qutqarýshylar men polısıa qyzmetkerleri jedel jetken. Olar er adamǵa kómektesý úshin páter esigin buzyp kirýge tyrysqan. Tereze tusyna órt sóndirý avtosatysy qoıylyp, tómengi jaqta qutqarýshylar arnaıy saqtandyrý quraldaryn daıyndaǵan.

Alaıda bir sátte er adam balkonnan sekirip ketken. Ol dereý aýrýhanaǵa jetkizilgenimen, alǵan jaraqattary aýyr bolyp, ómirin saqtap qalý múmkin bolmady.