جامبىل وبلىسىنىڭ تاراز قالاسىندا قايعىلى وقيعا بولدى. ەر ادام كوپشىلىك كوزىنشە بەسىنشى قاباتتىڭ بالكونىنان سەكىرىپ كەتتى، دەپ حابارلايدى Dalanews.kz.
وبلىستىق توتەنشە جاعدايلار دەپارتامەنتىنىڭ مالىمەتىنشە، 7 ءساۋىر كۇنى كەشكى ۋاقىتتا ەر ادام 15ء-شى شاعىن اۋدانداعى ۇيلەردىڭ بىرىندەگى پاتەردە بولعان. ول پسيحونيەۆرولوگيالىق ەسەپتە تۇرعان جانە وزىنە زيان كەلتىرەمىن دەپ قورقىتقان.
وقيعا ورنىنا قۇتقارۋشىلار مەن پوليسيا قىزمەتكەرلەرى جەدەل جەتكەن. ولار ەر ادامعا كومەكتەسۋ ءۇشىن پاتەر ەسىگىن بۇزىپ كىرۋگە تىرىسقان. تەرەزە تۇسىنا ءورت ءسوندىرۋ اۆتوساتىسى قويىلىپ، تومەنگى جاقتا قۇتقارۋشىلار ارنايى ساقتاندىرۋ قۇرالدارىن دايىنداعان.
الايدا ءبىر ساتتە ەر ادام بالكوننان سەكىرىپ كەتكەن. ول دەرەۋ اۋرۋحاناعا جەتكىزىلگەنىمەن، العان جاراقاتتارى اۋىر بولىپ، ءومىرىن ساقتاپ قالۋ مۇمكىن بولمادى.
