Qazaqstan Respýblikasynyń Bas prokýratýrasy asa iri mólsherde birneshe ret alaiaqtyq jasaǵany úshin qylmystyq jaýaptylyqqa tartý maqsatynda Qazaqstan azamatyn Resei Federatsiiasynan ekstraditsiialady, dep habarlaidy Dalanews.kz.
Kúdikti 2024-2025 jyldar aralyǵynda Taraz qalasynda ózin kommertsiialyq uiymnyń qyzmetkerimin dep tanystyryp, qarajatty investitsiialaý arqyly joǵary tabysqa ýáde berip, azamattardy ártúrli taýarlardy kóterme satyp alý jáne keiinnen satý boiynsha birlesken kásippen ainalysýǵa shaqyrǵan.
Alaida ol óz mindettemelerin oryndamai, alǵan aqshasyn jymqyryp, qajettiligine jumsaǵan.
Onyń qylmystyq áreketteri nátijesinde Qazaqstannyń 6 azamatyna jalpy 100 mln teńgeden astam zalal keltirilgen.
Qylmys jasaǵannan keiin ol jasyrynyp, oǵan halyqaralyq izdeý jariialanǵan.
Aǵymdaǵy jyldyń tamyzynda kúdikti Reseide ustalyp, Qazaqstan Respýblikasy Bas prokýratýrasynyń suraýy boiynsha elge ekstraditsiialandy.
Qazirgi ýaqytta kúdikti tergeý izoliatoryna qamaýǵa alyndy.
Aiyptalǵan qylmysty jasaǵany úshin múlki tárkilenip, 5 jyldan 10 jylǵa deiin bas bostandyǵynan aiyrý jazasy qarastyrylǵan.
