Qazaqstan ekonomikasynda tutynýshylyq belsendilik artqanymen, alaida infliatsiialyq úderister men tabystar, ásirese óńirler arasyndaǵy aiyrmashylyq úlken kóriniske ie ekeni baiqalady, dep habarlaidy Dalanews.kz.
QR Ulttyq statistika biýrosynyń málimetinshe, 2024 jyldyń IV toqsanynda esepti kezeńde halyqtyń aqshalai shyǵystary jan basyna shaqqanda orta eseppen 309 257 teńgeni qurady, bul ótken jyldyń tiisti kezeńmen salystyrǵanda 11,6%-ǵa joǵary.
Qazaqstandyqtardyń shyǵystarynyń negizgi bóligi jalpy shyǵyn kóleminiń 50,1%-yn qamtityn azyq-túlik taýarlary quraidy. Azyq–túlikke jatpaityn taýarlarǵa jumsalǵan shyǵyn 23,2%, al aqyly qyzmetterge -18,4%.
Halyqtyń aqshalai tabystarynyń jan basyna shaqqanda orta eseppen 342 896 teńgeni qurady, bul ótken jyldyń tiisti toqsanymen salystyrǵanda 12,1%-ǵa joǵary.
Tutynýǵa paidalanylǵan tabystar ortasha jan basyna shaqqanda 2024 jylǵy IV toqsan boiynsha 313 742 teńgeni qurady, bul ótken jyldyń tiisti toqsanyna qaraǵanda 11,2%-ǵa joǵary.
Óńirlik aspektini qarastyra otyryp, Astana qalasynda (446 045 teńge) eń joǵary ósimi bolǵanyn atap kórsetýge bolady. Tutynýǵa paidalanǵan tabystardyń eń tómengi deńgeidegi óńirler qataryna Túrkistan oblysy (200 679 teńge) jáne Shymkent qalasy (228 450 teńge) jatady. Osy óńirdegi tabystar deńgeii ortasha respýblikalyq deńgeiden 0,7%-ǵa tómen.
Halyqtyń aqshalai shyǵyny
Tutyný shyǵyndary búkil el boiynsha ortasha eseppen barlyq aqshalai shyǵyndardyń 91,7% quraidy. Óńirlik bóliniste bul kórsetkish bylai sipattalady:
- Ulytaý oblysynda 82,0%-dan bastalyp Mańǵystaý oblysynda 99,3%-ǵa deiin ózgeredi.
Ári qarai shyǵyndar kelesidei bólinedi:
- týystary men tanystaryna materialdyq kómek, aliment: 2,0%,
- salyqtar, tólemder jáne basqa tólem túrleri: 0,1%,
- nesie men qaryzdy óteý: 6,2%.
Aita ketsek, 2025 jyldyń aqpan aiynda Qazaqstanda jyldyq infliatsiia údep, 9,4% boldy (qańtarda – 8,9%). Jyldyq infliatsiia 15 óńirde jedeldedi, al úsh óńirde, kerisinshe baiaýlap, eki óńirde ózgerissiz qaldy.
