Tanymal jýrnalist Dinara Sátjan ózin qorlaǵan aqtóbelik emshige shúilikti, dep habarlaidy dalanews.kz.
Telejúrgizýshi áleýmettik jelide jazba jariialap, emshiniń jasap otyrǵan isi qanshalyq zańdy ekenine kúmán keltirgen.
"Aqtóbede TikTok-ta, instagramda aqshaǵa bata beretin bir "emshi" turady eken. Maǵan onyń qanshalyqty zańdy jumys isteitini qyzyq. Osyǵan bailanysty Aqtóbe oblysynyń Ekonomikalyq tergep-tekserý departamentine (DER) suraý joldaimyn. "Aqyly batanyń" aqshasy qaida túsedi? Kaspiine me? Álde kúieýi men ulynyń shottaryna ma? Ol salyq tólei me? Adam emdeýge litsenziiasy bar ma? Aqyly bata berip, synyq salyp, kieli zattar satyp, adam emdep, birneshe biznes ashyp, múlikterdi, kólikterdi týǵan-týysqandaryna syiǵa tartatyndai ol batanyń aqysy qandai? Sonshalyqty batadan milliondaǵan aqsha tabýǵa bola ma? Batasy zańdy patenttelgen be? Kieli zattar degeni ne? Onyń patenti bar ma? Jelilik biznesterdiń BAD-taryn halyqqa em ústinde satýǵa quqyǵy bar ma? Bul zańdy ma? Ózi aýyrǵan halyqtyń qaltasynan aqshasyn qaǵyp alyp, BAD-taryn "oqylǵan dári" dep aýrý adamǵa satý qanshalyqty durys, qanshalyqty ádiletti? Halyqqa janashyr, patriot adamnyń áreketi me? Nege ol halyq arasyna búlik salady? Qazaqsha sóilemeseńder kóteriliske shyǵaiyq dep nege áleýmettik jelide halyqty arandatqysy keledi? Aýyz ózimdiki eken dep nege eldiń bárin qorlaidy?" - dep ashyndy ol.
Ol bul máselemen zańdy túrde ainalysatynyn jetkizdi.
"Maǵan da "shliýha" dep til tigizdi. Bul — jariia túrde qorlaý. Qazaqstan Respýblikasy Qylmystyq kodeksiniń 131-baby! Qorlaý!Nelikten men týraly jalǵan aqparat taratyp, adamdardy adastyrady? Meni memlekettik jobalardan aqsha alady dep aitypty. Al meniń memleketten bir tiyn da almaǵanym, eshqandai memlekettik tenderlerge qatyspaǵanymdy op-ońai dáleldeýge bolady. Barlyǵy ashyq aqparat kózderinde tur. Bul máselelermen meniń advokatym ainalysyp jatyr. Biz Aqtóbe oblysynyń politsiiasyna aryz jazdyq. Ol zań aiasynda barlyq is-áreketine, aitqan sózderine jaýap beredi. Bul beibereketsizdikti toqtatatyn ýaqyt keldi", - dedi Dinara Sátjan.
