Dına Smaıylova retinde de belgili Tańsárige jalǵan aqparat taratty, jeke ómirge qol suǵylmaýshylyq quqyǵyn buzdy jáne alaıaqtyqpen aınalysty degen aıyp taǵylyp otyr. Bul týraly tergeý kezinde belgili bolǵan.
Ol basqaratyn Nemolchı.kz qory negizinen Qazaqstanda áıelder men balalarǵa qatysty zorlyq-zombylyqqa qarsy úgit-nasıhatpen aınalysady.
Degenmen, tergeý barysynda Tańsáriniń is-áreketinde sáıkessizdikter bolǵany anyqtaldy. Iaǵnı sot-medısınalyq saraptamalar onyń jazbalarynda aıyptaý basym ekenin kórsetedi, bılik málimetinshe, olar tek sýbektıv kózqarastarǵa negizdelgen.
Onyń ústine, belgili bolǵandaı, ol 2021 jyldan beri Qazaqstannan tys jerde turyp, zorlyq-zombylyq qurbandaryna kómek kórsetý maqsatynda áleýmettik jelilerdi paıdalanyp júrgen.
Onyń ishinde kózge túskeni - 2023 jyldyń sáýirinde jarıalanǵan jazba. Oqıǵa Óskemende ózine qol jumsaǵan qyzben baılanysty. Tańsári odan keıingi jazbalarynda qyzdyń otbasyna kóńil aıtyp, artynsha polısıa málimdemesine senbeıtinin jetkizgen. Saldarynan kámeletke tolmaǵan balanyń densaýlyǵyna zıan keltirý jáne buzaqylyq jasaý baptary boıynsha qylmystyq is qozǵalyp, sotqa joldandy.
Polısıanyń o bastaǵy málimdemesine senbegen Dına Tańsári jábirlenýshiniń advokatyna dep 20 mıllıon teńge (44 000 AQSH dollary) kóleminde aqsha jınaýdy bastaǵan.
Alaıda onyń bir bóligi ǵana qajet maqsatqa jumsalǵan. Qarjylyq esepterdi taldaý kezinde qorǵa arnalǵan qarajat Tańsáriniń kúıeýiniń jeke shotyna aýdarylyp, onyń sheteldegi jeke shyǵyndaryna jumsalǵany anyqtalǵan.
Osylaısha quqyq qorǵaý organdary Dına Tańsárige byltyr 27 jeltoqsanda izdeý jarıalady. Bul jaıtqa jaýap retinde ol Instagram-paraqshasynda alańdaýshylyǵyn bildirip, óz isine qatysty jeti jábirlenýshi bar ekenin basa aıtyp, Qazaqstan halqynan qoldaý surady.
Byltyr qarashada qor jetekshisi jeke shottary buǵattala bastaǵanyn, al jeltoqsanda Shyǵys Qazaqstan oblysy polıseıleri alaıaqtyqqa qatysty aıyp taqqanyn aıtqan. Osylaısha ol jáne kúıeýi Almat Muhamedjanov "Nemolchı.kz qyzmetine baılanysty qýǵynǵa ushyradyq" dep Eýropadan saıası baspana suraǵan.
Aıta keteıik, 2017 jyly qurylǵan «Nemolchı.kz» qory qaıyrymdylyq arqyly Qazaqstanda áıelder men balalarǵa qatysty zorlyq-zombylyqpen kúresýmen aınalysady. Sońǵy shyqqan daýlarǵa qaramastan, qor sońǵy bes jyl ishinde adam zorlady degen 81 adamnyń ústinen qylmystyq is qozǵalýyna sebep bolǵan. Qor jábirlenýshilerge quqyqtyq, psıhologıalyq jáne medısınalyq kómekti, sondaı-aq jábirlenýshilerdi qorǵaý úshin bilim berý bastamalary men zańnamalyq nasıhat jaǵynan ártúrli qoldaý kórsetedi.
