Osy kúni kóp balaly otbasylar, jetim balalar men I, II múgedekter sertifikat alý qýanyshyna keneldi. «Teniz Towers» turǵyn úi kesheninde «7-20-25» baǵdarlamasymen salynyp jatqan páterlerdi biznesmender Bolat Abilov pen Oraz Jandosovtar «Eneverse Kunkuat» JShS-nyń jeke qarajatyna satyp áperdi.
Eske salsaq, buǵan deiin bul kompaniia Qapshaǵai qalasynyń mańynan 100 MVt kún elektr stansasyn salǵan bolatyn.
Kópshilikti qýanyshty sátimen quttyqtaǵan Amandyq Batalov, oblysta halyqty qoljetimdi baspanamen qamtý baǵytynda edáýir jumys atqarylyp jatqanyn atap ótti.
Bul rette metsenattar tarapynan da zor qoldaý jasalyp otyrǵanyn tilge tiek etti:
- Elbasynyń sarabdal saiasaty, ony laiyqty jalǵastyryp kele jatqan Prezidentimiz Qasym-Jomart Toqaevtyń ustanǵan baǵyty, sonyń negizinde júzege asyrylyp jatqan memlekettik baǵdarlamalar eń aldymen halyqtyń ál-aýqatyn arttyrýǵa baǵyttalyp otyr. Osy maqsatta Almaty oblysynda úlken jumystar atqarylýda.
Qabyldanǵan sharalardyń arqasynda ótken jyldyń qorytyndysy boiynsha jalpy óńirlik ónim kólemi 4,5% ósimmen 3 trln. teńgege jetti. Ásirese, halyqtyń áleýmettik áljýaz toptaryn qoljetimdi turǵyn úimen qamtamasyz etýge erekshe mán beremiz. Turǵyn úiler biýdjet qarjysynan paidalanýǵa berilýde, bul ortaq iske bizdiń metsenat jerlesterimiz de zor úles qosyp keledi.
Ótken jyly oblysta 894 myń sharshy m turǵyn úi paidalanýǵa berilgen, bul 2018 jylmen salystyrǵanda 25% artyq. «Nurly jer», «7-20-25», «Baqytty otbasy» memlekettik baǵdarlamalarynyń nátijesinde 2443 otbasy baspanaly bolsa, sonyń 1779 otbasy – áleýmettik áljýaz toptar men kóp balaly otbasylar.
Jalpy ótken jyly oblysta kóp balaly jáne az qamtylǵan otbasylardy qoldaýǵa 40 mlrd. teńge bólinse, biylǵy jyly osy maqsatqa biýdjetten 59 mlrd. teńge qarastyrylyp otyr. Al búgin biz oblysymyzda iri jobalardy júzege asyryp jatqan biznesmenderdiń kóp balaly otbasylarǵa, jetim balalarǵa, múgedek jandarǵa óz qarajatyna 30 páter satyp alyp bergeniniń kýási bolyp otyrmyz. Bul – bárimiz úshin mańyzdy ári qýanyshty jaǵdai. Shańyraqtaryńyzǵa shattyq pen baqyt, qut-bereke tileimin, - degen A.Batalov, biznesmenderge alǵysyn bildirdi.
Munan soń metsenattardyń ózi – Bolat Abilov pen Oraz Jandosov quttyqtaý tilekterin aitty.
Búgin - bizdiń kompaniiamyz úshin de mańyzdy kún. Biz jańa úiden 30 páter satyp alyp, sizderdi qýantqanymyzǵa rizamyz. Jańa baspana sizderge tek qana qýanysh, meiirim men molshylyq ákelsin! Baqytty bolyńyzdar!, - dedi B. Abilov.
Óz kezeginde O.Jandosov qaiyrymdylyq sharalary ótken jyly qyrkúiek aiynda Qapshaǵai qalasynyń mańynda boi kótergen kún elektr stasasynyń qurylysy jobasyn júzege asyrýdyń arqasynda múmkin bolǵanyn aitty:
- Oblys basshysynyń, Qapshaǵai qalalyq ákimdiginiń qoldaýynyń arqasynda Qapshaǵai kún elektr stansasy tabysty jumys istep tur. Stansa jumysy sizderge qýanysh syilaý týraly oiǵa alǵan igi maqsattarymyzdyń oryndalýyna múmkindik jasady, - dedi O. Jandosov.
Oblys ákimi biznesmendermen birge «7-20-25» memlekettik baǵdarlamasymen salynyp jatqan 70 páterli turǵyn úidiń 30 páteriniń sertifikatyn qala turǵyndaryna saltanatty túrde tabys etti.
Eske salsaq, «Eneverse Kunkuat» JShS kompaniiasy qýaty 100 MVt bolatyn kún elekt stansasyn salyp, iske qosqan bolatyn. Sol kezde kompaniia ókilderi túrli áleýmettik jobalardy iske asyrýǵa Qapshaǵai qalasynyń ákimdigine 250 mln. teńge syiǵa tartqan edi. Osy somaǵa qalanyń áleýmettik áljýaz toptaryna jatatyn turǵyndaryna búgin 30 páter satyp alynyp otyr.
Qapshaǵailyqtardyń atynan «Qamqor júrek» qoǵamdyq birlestiginiń tóraǵasy Lázzat Salyqova men kóp balaly ana Svetlana Keýlimjaeva sóz alyp, kórsetilgen qoldaýlarǵa shyn júrekten rizashylyqtaryn aityp, qonys ielerin qýanyshtarymen quttyqtady.
- Meniń 7 balam bar, «Altyn alqa» iegerimin. 2008 jyldan beri memlekettik turǵyn úi qorynan beriletin úi kezeginde turmyn. Búgin, mine, meniń otbasym kópten kútken jeke páterine qol jetkizgeli tur. Bul men úshin – zor qýanysh. Kóp balaly otbasylardyń atynan bizge kórsetken qamqorlyqtaryńyz úshin shyn júrekten alǵys aitamyn, - dedi kóp balaly S.Keýlimjaeva.
- Bizdiń memleketimizde múmkindigi shekteýli jandarǵa, kóp balalylarǵa, az qamtylǵan otbasylarǵa, jetim balalarǵa zor qoldaý kórsetiledi. Qapshaǵai qalasy, jalpy Almaty oblysy mańyzdy áleýmettik baǵdarlamalardy sátti júzege asyryp otyrǵan aldyńǵy qatarly aimaq ekenin atap ótkim keledi. Búgingi qýanyshty oqiǵa árqaisyńyzdyń kóńilińizde jarqyn sát retinde uzaq saqtalady dep oilaimyn. Shańyraqtaryńyz shattyqqa tolsyn! Muqtaj jandarǵa qol ushyn bergen azamattarǵa rahmetimizdi aitamyz, - dedi L.Salyqova.
Atap ótsek,
«Teniz Towers» turǵy úi kesheniniń qurylysy 2019 jyldyń qarasha aiynda bastalǵan bolatyn.
Biylǵy jyldyń mamyr aiynda paidalanýǵa beriledi. Merdiger kompaniia - «Drift Grýpp» JShS. Keshende 70 páterli bes qabatty úi salynady. Onda jalpy alańy 3915,2 sharshy metr bolatyn 16 bir bólmeli, 40 eki bólmeli jáne 14 úsh bólmeli páterler bar.
Jalpy 2020-2021 jyldary Qapshaǵai qalasynda 200 páterli bes bes qabatty turǵyn úiler qurylysy josparlanǵan («Qapshaǵaimarjany» TK, qurylysyn júrgizetin «Diftgrýpp» JShS). «7-20-25» baǵdarlamasymen «Balsu-Lux» turǵyn úi keshenindegi úsh kóp páterli turǵyn úidiń 54 páteri paidalanýǵa qabyldanyp alynǵan. Sonymen qatar «Nurly jer» baǵdarlamasymen biylǵy jyldyń mamyr aiynda 30 páterli turǵyn úidiń qurylysy aiaqtalady, bir jalgerlik, eki kredittik úidiń qurylysy júrip jatyr.
Almaty oblysynyń ákimi Qapshaǵai qalasyna jasaǵan saparynda «7-20-25» memlekettik baǵdarlamasymen salynyp jatqan «Balsu-Lux» turǵyn úi kesheniniń qurylys jumystaryn kórdi.
Munyń qurylysyn «Termomaks» JShS merdiger kompaniiasy 2017 jyldyń sáýirinde bastaǵan bolatyn. Kompaniianyń bas direktory Aibar Sýbalovtyń aitýynsha, búgingi kúni qurylystyń I kezegi aiaqtalǵan, iaǵni 54 páterlik 3 úi salynyp bitken.
Endi 36 páterlik 2 úidiń qurylysyn qamtityn II kezegi júzege asyrylýda. Barlyq jumystar biylǵy jyldyń jeltoqsanynda aiaqtalýy tiis. Keshende jalpy alańy 6687,0 sharshy metr bolatyn 30 bir-, eki jáne úsh bólmeli páterler bolady.
Úiler erekshe dizainymen, páterleriniń jaily jobalanýymen jáne zamanaýi joǵary sapaly qurylys materialdarynyń qoldanylýymen erekshelenedi.
Amandyq Batalov óziniń orynbasary Batyrjan Baijumanovqa osy kompaniiamen pedagogtar men meditsina qyzmetkerlerine arnap turǵyn úiler salý týraly kelisimshart jasasýdy tapsyrdy.
- Úilerdiń sapasy óte jaqsy. Mundai úilerdi oblystyń kez kelgen aýdanynan salýǵa bolady. Eń aldymen osyndai úilerdi kadr jetispeýshiligin sheshý maqsatynda dárigerler men muǵalimderdi turǵyn úimen qamtý týraly josparymyzdy júzege asyrý úshin Taldyqorǵan qalasynda qolǵa alý máselesin qarastyrý qajet, - dedi A.Batalov.
Sonymen birge A.Batalov «Qapshaǵai qalasynyń jumyspen qamtý jáne áleýmettik baǵdarlamalar bólimi» MM ákimshilik ǵimaratyna bardy.
Bul ǵimaratta úkimettik emes uiymdardy qosa alǵanda 12 uiym ornalasqan. Oblys ákimi múmkindigi shekteýli balalarǵa arnalǵan ortalyqtyń jumysymen tanysyp, «Qapshaǵai Samǵa» jáne «Qamqor júrek» múgedekter qoǵamdyq birlestikteriniń ókilderimen kezdesti.
«Qamqor júrek» MQB tóraiymy Liazzat Salyqova qoǵamnyń qol jetkizgen tabystary týraly, júzege asyryp jatqan jáne josparlanyp otyrǵan jobalary jaily baiandap, jergilikti atqarýshy organdar tarapynan kórsetilgen qoldaýlar men memlekettik baǵdarlamalar aiasynda jasalǵan jaǵdailar jaiynda rizashylyqpen jetkizdi.
- Sizderdiń meirimderińiz, ómirge degen qushtarlyqtaryńyz, qiyndyqqa tótep beretin qaisarlyqtaryńyz, eńbeksúigish qasietterińiz – barlyq jastarǵa jáne jalpy qoǵamǵa úlgi. Biz sizderge óz tarapymyzdan barlyq qajetti qoldaýlardy jasaimyz, - dedi A.Batalov.
