وسى كۇنى كوپ بالالى وتباسىلار، جەتىم بالالار مەن ءى، ءىى مۇگەدەكتەر سەرتيفيكات الۋ قۋانىشىنا كەنەلدى. «Teniz Towers» تۇرعىن ءۇي كەشەنىندە «7-20-25» باعدارلاماسىمەن سالىنىپ جاتقان پاتەرلەردى بيزنەسمەندەر بولات ابيلوۆ پەن وراز جاندوسوۆتار «Eneverse Kunkuat» جشس-نىڭ جەكە قاراجاتىنا ساتىپ اپەردى.
ەسكە سالساق، بۇعان دەيىن بۇل كومپانيا قاپشاعاي قالاسىنىڭ ماڭىنان 100 مۆت كۇن ەلەكتر ستانساسىن سالعان بولاتىن.
كوپشىلىكتى قۋانىشتى ساتىمەن قۇتتىقتاعان اماندىق باتالوۆ، وبلىستا حالىقتى قولجەتىمدى باسپانامەن قامتۋ باعىتىندا ەداۋىر جۇمىس اتقارىلىپ جاتقانىن اتاپ ءوتتى.
بۇل رەتتە مەسەناتتار تاراپىنان دا زور قولداۋ جاسالىپ وتىرعانىن تىلگە تيەك ەتتى:
- ەلباسىنىڭ سارابدال ساياساتى، ونى لايىقتى جالعاستىرىپ كەلە جاتقان پرەزيدەنتىمىز قاسىم-جومارت توقايەۆتىڭ ۇستانعان باعىتى، سونىڭ نەگىزىندە جۇزەگە اسىرىلىپ جاتقان مەملەكەتتىك باعدارلامالار ەڭ الدىمەن حالىقتىڭ ءال-اۋقاتىن ارتتىرۋعا باعىتتالىپ وتىر. وسى ماقساتتا الماتى وبلىسىندا ۇلكەن جۇمىستار اتقارىلۋدا.
قابىلدانعان شارالاردىڭ ارقاسىندا وتكەن جىلدىڭ قورىتىندىسى بويىنشا جالپى وڭىرلىك ءونىم كولەمى 4،5% وسىممەن 3 ترلن. تەڭگەگە جەتتى. اسىرەسە، حالىقتىڭ الەۋمەتتىك ءالجۋاز توپتارىن قولجەتىمدى تۇرعىن ۇيمەن قامتاماسىز ەتۋگە ەرەكشە ءمان بەرەمىز. تۇرعىن ۇيلەر بيۋدجەت قارجىسىنان پايدالانۋعا بەرىلۋدە، بۇل ورتاق ىسكە ءبىزدىڭ مەسەنات جەرلەستەرىمىز دە زور ۇلەس قوسىپ كەلەدى.
وتكەن جىلى وبلىستا 894 مىڭ شارشى م تۇرعىن ءۇي پايدالانۋعا بەرىلگەن، بۇل 2018 جىلمەن سالىستىرعاندا 25% ارتىق. «نۇرلى جەر»، «7-20-25»، «باقىتتى وتباسى» مەملەكەتتىك باعدارلامالارىنىڭ ناتيجەسىندە 2443 وتباسى باسپانالى بولسا، سونىڭ 1779 وتباسى – الەۋمەتتىك ءالجۋاز توپتار مەن كوپ بالالى وتباسىلار.
جالپى وتكەن جىلى وبلىستا كوپ بالالى جانە از قامتىلعان وتباسىلاردى قولداۋعا 40 ملرد. تەڭگە بولىنسە، بيىلعى جىلى وسى ماقساتقا بيۋدجەتتەن 59 ملرد. تەڭگە قاراستىرىلىپ وتىر. ال بۇگىن ءبىز وبلىسىمىزدا ءىرى جوبالاردى جۇزەگە اسىرىپ جاتقان بيزنەسمەندەردىڭ كوپ بالالى وتباسىلارعا، جەتىم بالالارعا، مۇگەدەك جاندارعا ءوز قاراجاتىنا 30 پاتەر ساتىپ الىپ بەرگەنىنىڭ كۋاسى بولىپ وتىرمىز. بۇل – ءبارىمىز ءۇشىن ماڭىزدى ءارى قۋانىشتى جاعداي. شاڭىراقتارىڭىزعا شاتتىق پەن باقىت، قۇت-بەرەكە تىلەيمىن، - دەگەن ا.باتالوۆ، بيزنەسمەندەرگە العىسىن ءبىلدىردى.
مۇنان سوڭ مەسەناتتاردىڭ ءوزى – بولات ابيلوۆ پەن وراز جاندوسوۆ قۇتتىقتاۋ تىلەكتەرىن ايتتى.
بۇگىن - ءبىزدىڭ كومپانيامىز ءۇشىن دە ماڭىزدى كۇن. ءبىز جاڭا ۇيدەن 30 پاتەر ساتىپ الىپ، سىزدەردى قۋانتقانىمىزعا ريزامىز. جاڭا باسپانا سىزدەرگە تەك قانا قۋانىش، مەيىرىم مەن مولشىلىق اكەلسىن! باقىتتى بولىڭىزدار!، - دەدى ب. ابيلوۆ.
ءوز كەزەگىندە و.جاندوسوۆ قايىرىمدىلىق شارالارى وتكەن جىلى قىركۇيەك ايىندا قاپشاعاي قالاسىنىڭ ماڭىندا بوي كوتەرگەن كۇن ەلەكتر ستاساسىنىڭ قۇرىلىسى جوباسىن جۇزەگە اسىرۋدىڭ ارقاسىندا مۇمكىن بولعانىن ايتتى:
- وبلىس باسشىسىنىڭ، قاپشاعاي قالالىق اكىمدىگىنىڭ قولداۋىنىڭ ارقاسىندا قاپشاعاي كۇن ەلەكتر ستانساسى تابىستى جۇمىس ىستەپ تۇر. ستانسا جۇمىسى سىزدەرگە قۋانىش سىيلاۋ تۋرالى ويعا العان يگى ماقساتتارىمىزدىڭ ورىندالۋىنا مۇمكىندىك جاسادى، - دەدى و. جاندوسوۆ.
وبلىس اكىمى بيزنەسمەندەرمەن بىرگە «7-20-25» مەملەكەتتىك باعدارلاماسىمەن سالىنىپ جاتقان 70 پاتەرلى تۇرعىن ءۇيدىڭ 30 پاتەرىنىڭ سەرتيفيكاتىن قالا تۇرعىندارىنا سالتاناتتى تۇردە تابىس ەتتى.
ەسكە سالساق، «Eneverse Kunkuat» ج ش س كومپانياسى قۋاتى 100 مۆت بولاتىن كۇن ەلەكت ستانساسىن سالىپ، ىسكە قوسقان بولاتىن. سول كەزدە كومپانيا وكىلدەرى ءتۇرلى الەۋمەتتىك جوبالاردى ىسكە اسىرۋعا قاپشاعاي قالاسىنىڭ اكىمدىگىنە 250 ملن. تەڭگە سىيعا تارتقان ەدى. وسى سوماعا قالانىڭ الەۋمەتتىك ءالجۋاز توپتارىنا جاتاتىن تۇرعىندارىنا بۇگىن 30 پاتەر ساتىپ الىنىپ وتىر.
قاپشاعايلىقتاردىڭ اتىنان «قامقور جۇرەك» قوعامدىق بىرلەستىگىنىڭ ءتوراعاسى ءلاززات سالىقوۆا مەن كوپ بالالى انا سۆەتلانا كەۋلىمجايەۆا ءسوز الىپ، كورسەتىلگەن قولداۋلارعا شىن جۇرەكتەن ريزاشىلىقتارىن ايتىپ، قونىس يەلەرىن قۋانىشتارىمەن قۇتتىقتادى.
- مەنىڭ 7 بالام بار، «التىن القا» يەگەرىمىن. 2008 جىلدان بەرى مەملەكەتتىك تۇرعىن ءۇي قورىنان بەرىلەتىن ءۇي كەزەگىندە تۇرمىن. بۇگىن، مىنە، مەنىڭ وتباسىم كوپتەن كۇتكەن جەكە پاتەرىنە قول جەتكىزگەلى تۇر. بۇل مەن ءۇشىن – زور قۋانىش. كوپ بالالى وتباسىلاردىڭ اتىنان بىزگە كورسەتكەن قامقورلىقتارىڭىز ءۇشىن شىن جۇرەكتەن العىس ايتامىن، - دەدى كوپ بالالى س.كەۋلىمجايەۆا.
- ءبىزدىڭ مەملەكەتىمىزدە مۇمكىندىگى شەكتەۋلى جاندارعا، كوپ بالالىلارعا، از قامتىلعان وتباسىلارعا، جەتىم بالالارعا زور قولداۋ كورسەتىلەدى. قاپشاعاي قالاسى، جالپى الماتى وبلىسى ماڭىزدى الەۋمەتتىك باعدارلامالاردى ءساتتى جۇزەگە اسىرىپ وتىرعان الدىڭعى قاتارلى ايماق ەكەنىن اتاپ وتكىم كەلەدى. بۇگىنگى قۋانىشتى وقيعا ءارقايسىڭىزدىڭ كوڭىلىڭىزدە جارقىن ءسات رەتىندە ۇزاق ساقتالادى دەپ ويلايمىن. شاڭىراقتارىڭىز شاتتىققا تولسىن! مۇقتاج جاندارعا قول ۇشىن بەرگەن ازاماتتارعا راحمەتىمىزدى ايتامىز، - دەدى ل.سالىقوۆا.
اتاپ وتسەك،
«Teniz Towers» تۇرعى ءۇي كەشەنىنىڭ قۇرىلىسى 2019 جىلدىڭ قاراشا ايىندا باستالعان بولاتىن.
بيىلعى جىلدىڭ مامىر ايىندا پايدالانۋعا بەرىلەدى. مەردىگەر كومپانيا - «دريفت گرۋپپ» ج ش س. كەشەندە 70 پاتەرلى بەس قاباتتى ءۇي سالىنادى. وندا جالپى الاڭى 3915،2 شارشى مەتر بولاتىن 16 ءبىر بولمەلى، 40 ەكى بولمەلى جانە 14 ءۇش بولمەلى پاتەرلەر بار.
جالپى 2020-2021 جىلدارى قاپشاعاي قالاسىندا 200 پاتەرلى بەس بەس قاباتتى تۇرعىن ۇيلەر قۇرىلىسى جوسپارلانعان («قاپشاعايمارجانى» تك، قۇرىلىسىن جۇرگىزەتىن «ديفتگرۋپپ» ج ش س). «7-20-25» باعدارلاماسىمەن «Balsu-Lux» تۇرعىن ءۇي كەشەنىندەگى ءۇش كوپ پاتەرلى تۇرعىن ءۇيدىڭ 54 پاتەرى پايدالانۋعا قابىلدانىپ الىنعان. سونىمەن قاتار «نۇرلى جەر» باعدارلاماسىمەن بيىلعى جىلدىڭ مامىر ايىندا 30 پاتەرلى تۇرعىن ءۇيدىڭ قۇرىلىسى اياقتالادى، ءبىر جالگەرلىك، ەكى كرەديتتىك ءۇيدىڭ قۇرىلىسى ءجۇرىپ جاتىر.
الماتى وبلىسىنىڭ اكىمى قاپشاعاي قالاسىنا جاساعان ساپارىندا «7-20-25» مەملەكەتتىك باعدارلاماسىمەن سالىنىپ جاتقان «Balsu-Lux» تۇرعىن ءۇي كەشەنىنىڭ قۇرىلىس جۇمىستارىن كوردى.
مۇنىڭ قۇرىلىسىن «تەرموماكس» ج ش س مەردىگەر كومپانياسى 2017 جىلدىڭ ساۋىرىندە باستاعان بولاتىن. كومپانيانىڭ باس ديرەكتورى ايبار سۋبالوۆتىڭ ايتۋىنشا، بۇگىنگى كۇنى قۇرىلىستىڭ ءى كەزەگى اياقتالعان، ياعني 54 پاتەرلىك 3 ءۇي سالىنىپ بىتكەن.
ەندى 36 پاتەرلىك 2 ءۇيدىڭ قۇرىلىسىن قامتيتىن ءىى كەزەگى جۇزەگە اسىرىلۋدا. بارلىق جۇمىستار بيىلعى جىلدىڭ جەلتوقسانىندا اياقتالۋى ءتيىس. كەشەندە جالپى الاڭى 6687،0 شارشى مەتر بولاتىن 30 ءبىر-، ەكى جانە ءۇش بولمەلى پاتەرلەر بولادى.
ۇيلەر ەرەكشە ديزاينىمەن، پاتەرلەرىنىڭ جايلى جوبالانۋىمەن جانە زاماناۋي جوعارى ساپالى قۇرىلىس ماتەريالدارىنىڭ قولدانىلۋىمەن ەرەكشەلەنەدى.
اماندىق باتالوۆ ءوزىنىڭ ورىنباسارى باتىرجان بايجۇمانوۆقا وسى كومپانيامەن پەداگوگتار مەن مەديسينا قىزمەتكەرلەرىنە ارناپ تۇرعىن ۇيلەر سالۋ تۋرالى كەلىسىمشارت جاساسۋدى تاپسىردى.
- ۇيلەردىڭ ساپاسى وتە جاقسى. مۇنداي ۇيلەردى وبلىستىڭ كەز كەلگەن اۋدانىنان سالۋعا بولادى. ەڭ الدىمەن وسىنداي ۇيلەردى كادر جەتىسپەۋشىلىگىن شەشۋ ماقساتىندا دارىگەرلەر مەن مۇعالىمدەردى تۇرعىن ۇيمەن قامتۋ تۋرالى جوسپارىمىزدى جۇزەگە اسىرۋ ءۇشىن تالدىقورعان قالاسىندا قولعا الۋ ماسەلەسىن قاراستىرۋ قاجەت، - دەدى ا.باتالوۆ.
سونىمەن بىرگە ا.باتالوۆ «قاپشاعاي قالاسىنىڭ جۇمىسپەن قامتۋ جانە الەۋمەتتىك باعدارلامالار ءبولىمى» مم اكىمشىلىك عيماراتىنا باردى.
بۇل عيماراتتا ۇكىمەتتىك ەمەس ۇيىمداردى قوسا العاندا 12 ۇيىم ورنالاسقان. وبلىس اكىمى مۇمكىندىگى شەكتەۋلى بالالارعا ارنالعان ورتالىقتىڭ جۇمىسىمەن تانىسىپ، «قاپشاعاي سامعا» جانە «قامقور جۇرەك» مۇگەدەكتەر قوعامدىق بىرلەستىكتەرىنىڭ وكىلدەرىمەن كەزدەستى.
«قامقور جۇرەك» مقب ءتورايىمى لياززات سالىقوۆا قوعامنىڭ قول جەتكىزگەن تابىستارى تۋرالى، جۇزەگە اسىرىپ جاتقان جانە جوسپارلانىپ وتىرعان جوبالارى جايلى بايانداپ، جەرگىلىكتى اتقارۋشى ورگاندار تاراپىنان كورسەتىلگەن قولداۋلار مەن مەملەكەتتىك باعدارلامالار اياسىندا جاسالعان جاعدايلار جايىندا ريزاشىلىقپەن جەتكىزدى.
- سىزدەردىڭ مەيرىمدەرىڭىز، ومىرگە دەگەن قۇشتارلىقتارىڭىز، قيىندىققا توتەپ بەرەتىن قايسارلىقتارىڭىز، ەڭبەكسۇيگىش قاسيەتتەرىڭىز – بارلىق جاستارعا جانە جالپى قوعامعا ۇلگى. ءبىز سىزدەرگە ءوز تاراپىمىزدان بارلىق قاجەتتى قولداۋلاردى جاسايمىز، - دەدى ا.باتالوۆ.
