Jýrnalist jáne fýtbol sarapshysy Aidyn Qojahmet qyzyq málimdeme jasady. Ol Qairat Boranbaevtyń qazaqstandyq fýtboldy damytýǵa qosqan úlesin joǵary baǵalap, oǵan eskertkish qoiý keregin aitty, dep habarlaidy Dalanews.kz Offside.kz-ke siltep.
«Eger saiasi jáne basqa da qyrlaryn alyp tastap, tek fýtbol týraly aitatyn bolsaq, onyń sińirgen eńbekteri úshin men qazir-aq oǵan kózi tirisinde eskertkish qoiýǵa daýys berer edim. Qazaqstan fýtbolyna mundai úles qosqan eshkim joq», – deidi Qojahmet.
Qojahmet Boranbaevtyń «Qairat» fýtbol klýbynda qurǵan infraqurylym deńgeiin erekshe atap ótti. Onyń aitýynsha, klýb bazasy men «Qairat» akademiiasy ózge klýbtar úshin úlgi bola alady.
«Men «Qairat» bazasynda eki ai turdym. Bul – fantastika! Eýropada mundai sýper jabdyqtalǵan bazalar óte az. «Qairat» akademiiasy – erekshe dúnie. Endi nátijelerine qarańyz: Dostan Satpaev «Chelsige» aýysty, Nuraly Álip «Zenitte» oinap júr. Bulardyń barlyǵy – Akademiia túlekteri», – dedi ol.
Qojahmet, sonymen qatar, Boranbaevtyń klýbtyń turaqty qarjylyq modelin qurýdaǵy jetistikteri baryn aitty.
Qojahmettiń pikirinshe, Boranbaevtyń tájiribesi men qurǵan qurylymy basqa qazaqstandyq klýbtarǵa úlgi bolýy kerek, sebebi «Qairat» eldegi ózdiginen jumys istei alatyn jalǵyz klýb bolyp qalyp otyr.
Aita keteiik, 2023 jyly Qairat Boranbaev asa iri mólsherde memleket qarajatyn urlady jáne qylmystyq kiristerdi zańdastyrdy degen kúdikpen ustaldy. Tergeý derekteri boiynsha, 2019 jyly ol óz ieligindegi "AziiaGaz Shonjy" JShS arqyly gaz jetkizý kezinde QazaqGaz ulttyq kompaniiasynyń qarajatyn jymqyrdy, keiinnen urlanǵan 14,5 mlrd teńge mólsherindegi qarajat zańdy kásipkerlik qyzmetten alynǵan qusap dividendterdi bólý jáne tóleý túrinde zańdastyrylǵan.
"Tergeý barysynda keltirilgen zalal tolyq kólemde óteldi", delingen QMA habarlamasynda.
Agenttik zańsyz kirister esebinen satyp alynǵan sheteldik aktivterdi belgileý jáne buǵattaý jumystaryn júrgizip jatqany da aityldy.
Keiinnen ol kóptegen aktivin memleketke qaitara bastady.
Mysaly byltyr qarashada Qairat Boranbaevpen bailanysty Qaraǵandydaǵy farmatsevtikalyq zaýyt biýdjetke 105 million teńgeni qaitardy. Bul aqsha buryn "Spýtnik V" vaktsinasynyń paidalanylmaǵan dozalary úshin bólingen
