جۋرناليست جەنە فۋتبول ساراپشىسى ايدىن قوجاحمەت قىزىق مەلٸمدەمە جاسادى. ول قايرات بورانباەۆتىڭ قازاقستاندىق فۋتبولدى دامىتۋعا قوسقان ٷلەسٸن جوعارى باعالاپ, وعان ەسكەرتكٸش قويۋ كەرەگٸن ايتتى, دەپ حابارلايدى Dalanews.kz Offside.kz-كە سٸلتەپ.
«ەگەر ساياسي جەنە باسقا دا قىرلارىن الىپ تاستاپ, تەك فۋتبول تۋرالى ايتاتىن بولساق, ونىڭ سٸڭٸرگەن ەڭبەكتەرٸ ٷشٸن مەن قازٸر-اق وعان كٶزٸ تٸرٸسٸندە ەسكەرتكٸش قويۋعا داۋىس بەرەر ەدٸم. قازاقستان فۋتبولىنا مۇنداي ٷلەس قوسقان ەشكٸم جوق», – دەيدٸ قوجاحمەت.
قوجاحمەت بورانباەۆتىڭ «قايرات» فۋتبول كلۋبىندا قۇرعان ينفراقۇرىلىم دەڭگەيٸن ەرەكشە اتاپ ٶتتٸ. ونىڭ ايتۋىنشا, كلۋب بازاسى مەن «قايرات» اكادەميياسى ٶزگە كلۋبتار ٷشٸن ٷلگٸ بولا الادى.
«مەن «قايرات» بازاسىندا ەكٸ اي تۇردىم. بۇل – فانتاستيكا! ەۋروپادا مۇنداي سۋپەر جابدىقتالعان بازالار ٶتە از. «قايرات» اكادەميياسى – ەرەكشە دٷنيە. ەندٸ نەتيجەلەرٸنە قاراڭىز: دوستان ساتپاەۆ «چەلسيگە» اۋىستى, نۇرالى ەلٸپ «زەنيتتە» ويناپ جٷر. بۇلاردىڭ بارلىعى – اكادەمييا تٷلەكتەرٸ», – دەدٸ ول.
قوجاحمەت, سونىمەن قاتار, بورانباەۆتىڭ كلۋبتىڭ تۇراقتى قارجىلىق مودەلٸن قۇرۋداعى جەتٸستٸكتەرٸ بارىن ايتتى.
قوجاحمەتتٸڭ پٸكٸرٸنشە, بورانباەۆتىڭ تەجٸريبەسٸ مەن قۇرعان قۇرىلىمى باسقا قازاقستاندىق كلۋبتارعا ٷلگٸ بولۋى كەرەك, سەبەبٸ «قايرات» ەلدەگٸ ٶزدٸگٸنەن جۇمىس ٸستەي الاتىن جالعىز كلۋب بولىپ قالىپ وتىر.
ايتا كەتەيٸك, 2023 جىلى قايرات بورانباەۆ اسا ٸرٸ مٶلشەردە مەملەكەت قاراجاتىن ۇرلادى جەنە قىلمىستىق كٸرٸستەردٸ زاڭداستىردى دەگەن كٷدٸكپەن ۇستالدى. تەرگەۋ دەرەكتەرٸ بويىنشا, 2019 جىلى ول ٶز يەلٸگٸندەگٸ "ازيياگاز شونجى" جشس ارقىلى گاز جەتكٸزۋ كەزٸندە QazaqGaz ۇلتتىق كومپانيياسىنىڭ قاراجاتىن جىمقىردى, كەيٸننەن ۇرلانعان 14,5 ملرد تەڭگە مٶلشەرٸندەگٸ قاراجات زاڭدى كەسٸپكەرلٸك قىزمەتتەن الىنعان قۇساپ ديۆيدەندتەردٸ بٶلۋ جەنە تٶلەۋ تٷرٸندە زاڭداستىرىلعان.
"تەرگەۋ بارىسىندا كەلتٸرٸلگەن زالال تولىق كٶلەمدە ٶتەلدٸ", دەلٸنگەن قما حابارلاماسىندا.
اگەنتتٸك زاڭسىز كٸرٸستەر ەسەبٸنەن ساتىپ الىنعان شەتەلدٸك اكتيۆتەردٸ بەلگٸلەۋ جەنە بۇعاتتاۋ جۇمىستارىن جٷرگٸزٸپ جاتقانى دا ايتىلدى.
كەيٸننەن ول كٶپتەگەن اكتيۆٸن مەملەكەتكە قايتارا باستادى.
مىسالى بىلتىر قاراشادا قايرات بورانباەۆپەن بايلانىستى قاراعاندىداعى فارماتسەۆتيكالىق زاۋىت بيۋدجەتكە 105 ميلليون تەڭگەنٸ قايتاردى. بۇل اقشا بۇرىن "سپۋتنيك V" ۆاكتسيناسىنىڭ پايدالانىلماعان دوزالارى ٷشٸن بٶلٸنگەن
