Qazaqstanda tamyz aiyndaǵy Ulttyq biryńǵai testileý (UBT) bastaldy. Testileý 14 tamyzǵa deiin jalǵasady, dep habarlaidy dalanews.kz.
Testileýge qatysý úshin 30 myńnan astam ótinish qabyldanǵan. Qatysýshylardyń 65%-y testileýdi qazaq tilinde, 35%-y orys tilinde tapsyrýǵa ótinish bergen. 100 talapker UBT-ny aǵylshyn tilinde tapsyrady.
Testileýdiń alǵashqy kúninde 6,7 myńnan astam adam synaqtan ótedi.
Tamyz aiyndaǵy UBT-ǵa biylǵy jáne ótken jyldardaǵy mektep pen kolledj túlekteri, qandastar, shetelde orta bilim alǵan túlekter qatysa alady.
Sonymen qatar shyǵarmashylyq bilim berý baǵdarlamalarynan basqa daiarlaý baǵyttaryna, basqa bilim berý baǵdarlamalarynan pedagogikalyq baǵyttarǵa aýysqysy keletin stýdentter, sondai-aq ótken oqý jylynda shekti ball jinai almaǵan jáne joǵary oqý oryndaryna aqyly negizde qabyldanǵan tulǵalar da test tapsyrady.
Budan bólek, kolledj túlekteri óz mamandyǵy boiynsha joǵary oqý ornynda aqyly negizde bilim alýdy josparlasa, áńgimelesý nátijeleri boiynsha oqýǵa túse alady. Bul jaǵdaida qabyldaýdy joǵary oqý oryndarynyń qabyldaý komissiialary júzege asyrady.
