قازاقستاندا تامىز ايىنداعى ۇلتتىق بٸرىڭعاي تەستٸلەۋ (ۇبت) باستالدى. تەستٸلەۋ 14 تامىزعا دەيٸن جالعاسادى, دەپ حابارلايدى dalanews.kz.
تەستٸلەۋگە قاتىسۋ ٷشٸن 30 مىڭنان استام ٶتٸنٸش قابىلدانعان. قاتىسۋشىلاردىڭ 65%-ى تەستٸلەۋدٸ قازاق تٸلٸندە, 35%-ى ورىس تٸلٸندە تاپسىرۋعا ٶتٸنٸش بەرگەن. 100 تالاپكەر ۇبت-نى اعىلشىن تٸلٸندە تاپسىرادى.
تەستٸلەۋدٸڭ العاشقى كٷنٸندە 6,7 مىڭنان استام ادام سىناقتان ٶتەدٸ.
تامىز ايىنداعى ۇبت-عا بيىلعى جەنە ٶتكەن جىلدارداعى مەكتەپ پەن كوللەدج تٷلەكتەرٸ, قانداستار, شەتەلدە ورتا بٸلٸم العان تٷلەكتەر قاتىسا الادى.
سونىمەن قاتار شىعارماشىلىق بٸلٸم بەرۋ باعدارلامالارىنان باسقا دايارلاۋ باعىتتارىنا, باسقا بٸلٸم بەرۋ باعدارلامالارىنان پەداگوگيكالىق باعىتتارعا اۋىسقىسى كەلەتٸن ستۋدەنتتەر, سونداي-اق ٶتكەن وقۋ جىلىندا شەكتٸ بالل جيناي الماعان جەنە جوعارى وقۋ ورىندارىنا اقىلى نەگٸزدە قابىلدانعان تۇلعالار دا تەست تاپسىرادى.
بۇدان بٶلەك, كوللەدج تٷلەكتەرٸ ٶز ماماندىعى بويىنشا جوعارى وقۋ ورنىندا اقىلى نەگٸزدە بٸلٸم الۋدى جوسپارلاسا, ەڭگٸمەلەسۋ نەتيجەلەرٸ بويىنشا وقۋعا تٷسە الادى. بۇل جاعدايدا قابىلداۋدى جوعارى وقۋ ورىندارىنىڭ قابىلداۋ كوميسسييالارى جٷزەگە اسىرادى.
