2025 jyldyń basynan bastap qyrkúiekke deiin otandyq bankter 1,86 trln teńge, onyń ishinde tamyz aiynda 223 mlrd teńge tabys tapty. Bul derek Ulttyq Bank jariialaǵan statistikada kórsetilgen, dep habarlaidy Dalanews.kz.
Bir ai burynǵy tabysy jaǵynan bankter arasynda sýyrylyp shyqqan úzdik bestikke qatysty aitarlyqtai ózgerister bolǵan joq. Tek, 11,9 mlrd teńgege tabysqa ie ForteBank bir satyǵa kóterilip, Alatau City Bank-ti tómenge yǵystyrdy. Elimizdegi eń iri 10 banktiń ishinde paiyzdyq mólsherleme qatynasynda paidanyń eń úlken ósimin TsentrKredit Banki kórsetip otyr: shildedegi nátijege +16,7% qosyp.
Tamyz aiynda taza kirisi boiynsha bes iri bank qataryna mynalar jatady:
- Halyk Bank - 78,9 mlrd teńge, jyl basynan bergisi - 652 mlrd teńge;
- Kaspi Bank - 53 mlrd teńge/ 372,4 mlrd teńge;
- TsKB - 19,9 mlrd teńge/180 mlrd teńge;
- ForteBank - 11,95 mlrd teńge/121 mlrd teńge;
- Alatau city - 10,8 mlrd teńge/126,6 mlrd teńge.
Osy úzdik bestiktiń izin ókshelep, Bank RBK kútpegen jerden altynshy orynǵa shyqty. Ol bir aida 6 mlrd teńge tabys tapty (jyl basynan beri 46,9 mlrd teńge). Odan keiin Freedom Bank tur, onyń tabysy 5,5 mlrd teńgeni qurap, jyldyq shyǵyny 20,5 mlrd teńgege deiin qysqardy. Tabysy azaiǵandar arasynda "Sitibank Kazahstan" (69,7 mlrd teńgeden 54,4 mlrd teńgege deiin), "Shinhan Bank Kazahstan" (23,7 mlrd teńgeden 20,4 mlrd teńgege deiin) da bar. Al Bank of China Kazakhstan (+3,8 mlrd teńge), Eýraziialyq bank (+3,7 mlrd teńge), Home Credit BANK (+3,5 mlrd teńge) jaqsy paidaǵa keńelgen.
Bir qyzyǵy, eldegi aktivteri boiynsha tórtinshi bank bolyp tabylatyn "Otbasy" ailyq tabysynyń nebári 1,8 mlrd teńgeni (bir ai buryn 10,7 mlrd teńge bolǵan) quraýyna bailanysty tómengi qatarǵa syrǵyǵan. Aidyń qorytyndysy boiynsha MQU-dan endi ǵana bankke ainalyp úlgergen BNK Commercial Bank (-290 mlrd teńge) pen islamdyq "Zaman banki" (-378,5 mlrd teńge) taza shyǵynǵa batqandar qataryna jatqyzylypty. Sol sekildi tamyz aiynyń qorytyndysy boiynsha shyǵyny ulǵaiǵan bankter arasynda "Bank BiEnKei" (- 107 mln teńgeden (- ) 397 mln teńgege deiin nemese tórt ese) de erekshe kózge tústi.
