2025 جىلدىڭ باسىنان باستاپ قىركٷيەككە دەيٸن وتاندىق بانكتەر 1,86 ترلن تەڭگە, ونىڭ ٸشٸندە تامىز ايىندا 223 ملرد تەڭگە تابىس تاپتى. بۇل دەرەك ۇلتتىق بانك جارييالاعان ستاتيستيكادا كٶرسەتٸلگەن, دەپ حابارلايدى Dalanews.kz.
بٸر اي بۇرىنعى تابىسى جاعىنان بانكتەر اراسىندا سۋىرىلىپ شىققان ٷزدٸك بەستٸككە قاتىستى ايتارلىقتاي ٶزگەرٸستەر بولعان جوق. تەك, 11,9 ملرد تەڭگەگە تابىسقا يە ForteBank بٸر ساتىعا كٶتەرٸلٸپ, Alatau City Bank-تٸ تٶمەنگە ىعىستىردى. ەلٸمٸزدەگٸ ەڭ ٸرٸ 10 بانكتٸڭ ٸشٸندە پايىزدىق مٶلشەرلەمە قاتىناسىندا پايدانىڭ ەڭ ٷلكەن ٶسٸمٸن تسەنتركرەديت بانكٸ كٶرسەتٸپ وتىر: شٸلدەدەگٸ نەتيجەگە +16,7% قوسىپ.
تامىز ايىندا تازا كٸرٸسٸ بويىنشا بەس ٸرٸ بانك قاتارىنا مىنالار جاتادى:
- Halyk Bank - 78,9 ملرد تەڭگە, جىل باسىنان بەرگٸسٸ - 652 ملرد تەڭگە;
- Kaspi Bank - 53 ملرد تەڭگە/ 372,4 ملرد تەڭگە;
- تسكب - 19,9 ملرد تەڭگە/180 ملرد تەڭگە;
- ForteBank - 11,95 ملرد تەڭگە/121 ملرد تەڭگە;
- Alatau city - 10,8 ملرد تەڭگە/126,6 ملرد تەڭگە.
وسى ٷزدٸك بەستٸكتٸڭ ٸزٸن ٶكشەلەپ, Bank RBK كٷتپەگەن جەردەن التىنشى ورىنعا شىقتى. ول بٸر ايدا 6 ملرد تەڭگە تابىس تاپتى (جىل باسىنان بەرٸ 46,9 ملرد تەڭگە). ودان كەيٸن Freedom Bank تۇر, ونىڭ تابىسى 5,5 ملرد تەڭگەنٸ قۇراپ, جىلدىق شىعىنى 20,5 ملرد تەڭگەگە دەيٸن قىسقاردى. تابىسى ازايعاندار اراسىندا "سيتيبانك كازاحستان" (69,7 ملرد تەڭگەدەن 54,4 ملرد تەڭگەگە دەيٸن), "شينحان بانك كازاحستان" (23,7 ملرد تەڭگەدەن 20,4 ملرد تەڭگەگە دەيٸن) دا بار. ال Bank of China Kazakhstan (+3,8 ملرد تەڭگە), ەۋرازييالىق بانك (+3,7 ملرد تەڭگە), Home Credit BANK (+3,5 ملرد تەڭگە) جاقسى پايداعا كەڭەلگەن.
بٸر قىزىعى, ەلدەگٸ اكتيۆتەرٸ بويىنشا تٶرتٸنشٸ بانك بولىپ تابىلاتىن "وتباسى" ايلىق تابىسىنىڭ نەبەرٸ 1,8 ملرد تەڭگەنٸ (بٸر اي بۇرىن 10,7 ملرد تەڭگە بولعان) قۇراۋىنا بايلانىستى تٶمەنگٸ قاتارعا سىرعىعان. ايدىڭ قورىتىندىسى بويىنشا مقۇ-دان ەندٸ عانا بانككە اينالىپ ٷلگەرگەن BNK Commercial Bank (-290 ملرد تەڭگە) پەن يسلامدىق "زامان بانكٸ" (-378,5 ملرد تەڭگە) تازا شىعىنعا باتقاندار قاتارىنا جاتقىزىلىپتى. سول سەكٸلدٸ تامىز ايىنىڭ قورىتىندىسى بويىنشا شىعىنى ۇلعايعان بانكتەر اراسىندا "بانك بيەنكەي" (- 107 ملن تەڭگەدەن (- ) 397 ملن تەڭگەگە دەيٸن نەمەسە تٶرت ەسە) دە ەرەكشە كٶزگە تٷستٸ.
