Qazaqstan ulttyq quramasynyń bas bapkeri qyzmetine Talǵat Baisýfinov taǵaiyndaldy, dep habarlaidy Dalanews.kz.
Talǵat Baisýfinov 2025 jylǵy qazanda ulttyq qurama tizginin úshinshi ret ustady. Onyń jetekshiligimen komanda 2026 jylǵy Álem chempionatynyń irikteý kezeńinde birqatar match ótkizdi.
Qazaqstan ulttyq quramasy Lihtenshteindi 4:0 esebimen jeńip, Soltústik Makedoniia (1:1) jáne Belgiia (1:1) quramalarymen teń tústi. Buǵan deiin Talǵat Baisýfinov 2016-2017 jáne 2020-2022 jyldar aralyǵynda ulttyq quramanyń bas bapkeri qyzmetin eki ret atqardy.
Talǵat Baisýfinov birqatar otandyq fýtbol klýbynda bapker boldy. Ár jyldary "Esil-Bogatyr" (Petropavl), "Aqsý", "Ertis" (Pavlodar), "Aqjaiyq" (Oral) klýbtaryn basqaryp, sondai-aq, Qazaqstan jastar quramasymen jumys istedi. Fýtbolshy mansabynda "Ertis", "Metallýrg", "Eńbek", "Ekibastýzets", "Jetisý" jáne "Vostok" klýbtarynda oinady.
