Talǵardyń politsiia basqarmasyna jańa basshy taǵaiyndaldy, dep habarlaidy Dalanews.kz.
Talǵar aýdany politsiia basqarmasynyń bastyǵy bolyp politsiia polkovnigi Ashat Barlybaevich Bekenov taǵaiyndaldy.
2024 jyldyń qazan aiynda Almaty oblysynda birqatar joǵary laýazymdy politseiler qyzmetterinen bosatyldy. Bul otstavkalar Talǵar aýdanynda 16 jastaǵy Sherzat Bolattyń óliminen keiin qoǵamda týyndaǵan rezonanstan keiin boldy.
Ishki ister ministriniń buiryǵymen qyzmetterinen bosatyldy:
•Almaty oblystyq politsiia departamenti (PD) bastyǵynyń birinshi orynbasary Serik Shalharov;
•Talǵar aýdandyq politsiia basqarmasynyń bastyǵy Nurjan Kúntunov;
•Oblystyq PD ekstremizmge qarsy is-qimyl basqarmasynyń bastyǵy Ulan Baitakov;
•Oblystyq PD kriminaldyq politsiia basqarmasynyń bastyǵy Rýslan Smaǵulov;
•Oblystyq PD uiymdasqan qylmysqa qarsy kúres basqarmasynyń bastyǵy Dýlat Qaiyr jáne onyń orynbasary Janat Omarov.
Sondai-aq, Almaty oblysy men Talǵar aýdany ákimdiginiń birneshe sheneýnigi men prokýrorlary da qyzmetterinen bosatyldy.
