Ishki ister ministriniń burynǵy orynbasary Aidos Rysbaev kóliktegi politsiia departamentiniń bastyǵy bolyp taǵaiyndaldy, dep habarlaidy Dalanews.kz.
Bul týraly IIM málimdedi.
“Prezident ákimshiligimen jáne ishki ister ministriniń buiryǵymen kelisim boiynsha kóliktegi politsiia departamentiniń bastyǵy bolyp politsiia general-maiory Aidos Rysbaev taǵaiyndaldy”, - delingen habarlamada.
Aita keteiik, Talǵardaǵy tragediiadan keiin Memleket basshysynyń ókimimen Aidos Rysbaev ishki ister ministriniń orynbasary laýazymynan bosatylǵan edi.
Eske salaiyq, 4 qazanda Talǵarda bir top buzaqynyń qolynan 16 jastaǵy Sherzat Bolat qaitys boldy. Qaiǵyly oqiǵadan keiin Almaty oblysynda birqatar joǵary laýazymdy politsei qyzmetinen ketti.
Onyń qatarynda Almaty oblysy prokýrorynyń orynbasary men Talǵar aýdanynyń prokýrory da bar.
Sonymen qatar Talǵar aýdany ákimi apparatynyń basshysy, Hasan Qasymbaevtyń aǵasy Aslan Qasymbaev qyzmetinen ketti.
Al politsiia qyzmeti basqarmasynyń bastyǵy laýazymyna Abdýnýr Tasybaev jáne Uiymdasqan qylmysqa qarsy kúres basqarmasynyń bastyǵyna Baijan Satylǵanov taǵaiyndaldy. Meiram Ábikeev Almaty oblysy Politsiia departamentiniń bastyǵy boldy.
