Almaty oblysy Talǵar aýdany ákiminiń orynbasary Aibek Bidaevtyń aýrýhanaǵa túskeni belgili boldy, dep habarlaidy Dalanews.kz.
Aibek Bidaevtyń aýrýhanada jatqanyn Ulysmedia.kz derekkózine ákimniń baspasóz qyzmeti rastaǵan. Alaida ákim orynbasarynyń aýrýhanaǵa túsýine qandai jaǵdai áser etkeni týraly aqparat joq.
Aýdandyq ákimdiktegi kadr bóliminiń basshysy Bidaev syrqatynyń sebebi eńbekke jaramsyzdyq paraǵyn alǵannan keiin ǵana belgili bolatynyn aitty.
Aita keteiik, Talǵardaǵy tragediiadan keiin Talǵar aýdanynyń ákimi Aidarbekov Tańat pen onyń orynbasary Aibek Bidaevqa sógis jariialandy.
Sonymen qatar Talǵar qalasynyń ákimi Qýatbekuly Bahyt Kúrishbekov, Talǵar qalasy ákiminiń orynbasary Matan Saǵyndyq óz mindetterin tiisti deńgeide atqarmaǵany úshin laýazymdarynan bosatylǵanyn jazǵan edik.
Sondai-aq “Hýtor” bandasynyń basshysy delingen Hasan Qasymbaevtyń aǵasy Talǵar aýdany ákimi apparatynyń basshysy Aslan Qasymbaev ta qyzmetinen ketken edi.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý izoliatoryna qamaýǵa alynǵan.
15 qazanda Ishki ister vitse-ministri taǵy úsh kúdiktini ustaǵanyn málim etti.
Al 18 qazanda taǵy bir kúdiktini qolǵa túsirdi.
Sonymen qatar, Almaty oblystyq politsiia departamenti bastyǵynyń mindetin atqarýshy Shalqarov tóbelesten keiin qansha qarý tárkilengenin aitty.
Odan keiin Sherzattyń úiine kúzet qoiyldy.
Kóp uzamai marqum Sherzattyń úii órtendi.
