Kúni keshe Almaty oblysyndaǵy Talǵar qalasynda tótenshe jaǵdaı boldy: adam zorlady degen kúdikti tergeý ızolátorynan qashyp ketken. Bul jaıtqa qatysty derekter shyqty, - dep habarlaıdy Dalanews.kz KTK telearnasyna silteme jasap. 

Qazirgi tańda istiń mán-jaıy anyqtalyp jatyr. Kórshileriniń sózinshe, 26 jastaǵy er adam kámeletke tolmaǵan týys qaryndasyn zorlaǵany úshini ustalǵan. 

Túnde qala boıynsha blokbeketter qoıylyp, kúndiz olar alynyp tastaldy. Er adam temir torǵa túser aldynda Tereńqara aýylynda turǵan eken. Onyń úıin polıseıler baqylaýǵa aldy. Týystary jýrnalısermen sóılespeı qoıǵan. 

Kúdikti er adamnyń kórshileriniń sózinshe, ol buǵan deıin de jaýapqa tartylǵan. Keıinnen anasymen birge turǵan. Bir jyldary anasy 8-synypta oqıtyn nemere qyzyn asyrap alǵan. Er adam sol qyzdy zorlaǵan. Bul týraly alǵash bolyp mektep muǵalimderi bilgen. 

"Er adam qyzdy zorlaǵany týraly muǵalimderi anasyna aıtyp bergen. Oqıǵa jazǵy kanıkýl kezinde bolǵan. Mundaı jaǵdaılar buǵan deıin de bolǵan eken", - deıdi turǵyndardyń biri. 

Tergeý ızolátorynyń jan-jaǵynda kameralar tur. Baqylaý-ótkizý aımaǵynda kezekshiler otyr. Alaıda kúdikti tergeý ızolátorynan kúdikti qalaı qashyp ketkenin eshkim túsindire almaǵan. 

Qazirgi ýaqytta polıseıler qoǵamdyq oryndardy aralap, baqylaý kameralaryn zerttep júr. Biraq ázirge eshqandaı nátıje joq. 

Aıta keteıik, kúdikti er adamnyń boıy 180 sm, denesi irileý, shashy qysqa. Ústinde qara kıim bolǵan. 

Eger kúdiktiniń kinási dáleldense ol bala zorlap, túrmeden qashqany úshin ómir boıyna sottalýy múmkin.