كۇنى كەشە الماتى وبلىسىنداعى تالعار قالاسىندا توتەنشە جاعداي بولدى: ادام زورلادى دەگەن كۇدىكتى تەرگەۋ يزولياتورىنان قاشىپ كەتكەن. بۇل جايتقا قاتىستى دەرەكتەر شىقتى، - دەپ حابارلايدى Dalanews.kz كتك تەلەارناسىنا سىلتەمە جاساپ. 

قازىرگى تاڭدا ءىستىڭ ءمان-جايى انىقتالىپ جاتىر. كورشىلەرىنىڭ سوزىنشە، 26 جاستاعى ەر ادام كامەلەتكە تولماعان تۋىس قارىنداسىن زورلاعانى ءۇشىنى ۇستالعان. 

تۇندە قالا بويىنشا بلوكبەكەتتەر قويىلىپ، كۇندىز ولار الىنىپ تاستالدى. ەر ادام تەمىر تورعا تۇسەر الدىندا تەرەڭقارا اۋىلىندا تۇرعان ەكەن. ونىڭ ءۇيىن پوليسەيلەر باقىلاۋعا الدى. تۋىستارى جۋرناليستەرمەن سويلەسپەي قويعان. 

كۇدىكتى ەر ادامنىڭ كورشىلەرىنىڭ سوزىنشە، ول بۇعان دەيىن دە جاۋاپقا تارتىلعان. كەيىننەن اناسىمەن بىرگە تۇرعان. ءبىر جىلدارى اناسى 8-سىنىپتا وقيتىن نەمەرە قىزىن اسىراپ العان. ەر ادام سول قىزدى زورلاعان. بۇل تۋرالى العاش بولىپ مەكتەپ مۇعالىمدەرى بىلگەن. 

"ەر ادام قىزدى زورلاعانى تۋرالى مۇعالىمدەرى اناسىنا ايتىپ بەرگەن. وقيعا جازعى كانيكۋل كەزىندە بولعان. مۇنداي جاعدايلار بۇعان دەيىن دە بولعان ەكەن"، - دەيدى تۇرعىنداردىڭ ءبىرى. 

تەرگەۋ يزولياتورىنىڭ جان-جاعىندا كامەرالار تۇر. باقىلاۋ-وتكىزۋ ايماعىندا كەزەكشىلەر وتىر. الايدا كۇدىكتى تەرگەۋ يزولياتورىنان كۇدىكتى قالاي قاشىپ كەتكەنىن ەشكىم تۇسىندىرە الماعان. 

قازىرگى ۋاقىتتا پوليسەيلەر قوعامدىق ورىنداردى ارالاپ، باقىلاۋ كامەرالارىن زەرتتەپ ءجۇر. ءبىراق ازىرگە ەشقانداي ناتيجە جوق. 

ايتا كەتەيىك، كۇدىكتى ەر ادامنىڭ بويى 180 سم، دەنەسى ىرىلەۋ، شاشى قىسقا. ۇستىندە قارا كيىم بولعان. 

ەگەر كۇدىكتىنىڭ كىناسى دالەلدەنسە ول بالا زورلاپ، تۇرمەدەن قاشقانى ءۇشىن ءومىر بويىنا سوتتالۋى مۇمكىن.