Talǵarda 20 jastaǵy qyz aýrýhanaǵa qaralǵannan keiin kóz jumdy, dep habarlaidy Dalanews.kz 1tvkz-ke siltep.
Talǵarda 20 jastaǵy Nigina Jaǵyparova meditsinalyq kómekke júgingennen keiin kóp uzamai qaitys boldy. Qaiǵyly oqiǵa 10 qańtarda bolǵan.
Tańǵy ýaqytta qyz ózin kenet jaisyz sezinip, keýde tusy qatty aýyrsynýyna shaǵymdanǵan. Ol ájesimen birge aýrýhanaǵa barǵan. Týystarynyń aitýynsha, dárigerler qajet tekserister júrgizip, qan taldaýlaryn alǵan, kardiogramma men rentgen jasaǵan. Aldyn ala diagnoz retinde pnevmoniia qoiylǵan.
Alaida, týystarynyń aitýynsha, naýqastyń jaǵdaiyna qaramastan, dárigerler ony statsionarǵa jatqyzbai, pýlmonologtyń qabyldaýyna joldama berip, úiine qaitarǵan. Nigina úige kelgen soń demalyp jatqan, biraq shamamen bir saǵat ótken soń kóz jumǵan.
Marqumnyń jaqyndary dárigerlerdiń sheshimine narazylyq bildirip otyr. Olardyń pikirinshe, qyz aýrýhanada baqylaýda bolǵanda, bul qaiǵyly jaǵdaidyń aldyn alýǵa bolar edi.
Marqum nebári 20 jasta bolǵan. Jaqynda ǵana oǵan turmysqa shyǵýǵa usynys jasalǵan.
Otbasy ádil ári jan-jaqty tergeý júrgizýdi talap etip, quqyq qorǵaý organdaryna aryz túsirgen. Qazir máiitke sot-meditsinalyq saraptama taǵaiyndalyp, táýelsiz sarapshy tartylǵan.
