تالعاردا 20 جاستاعى قىز اۋرۋحاناعا قارالعاننان كەيٸن كٶز جۇمدى, دەپ حابارلايدى Dalanews.kz 1tvkz-كە سٸلتەپ.
تالعاردا 20 جاستاعى نيگينا جاعىپاروۆا مەديتسينالىق كٶمەككە جٷگٸنگەننەن كەيٸن كٶپ ۇزاماي قايتىس بولدى. قايعىلى وقيعا 10 قاڭتاردا بولعان.
تاڭعى ۋاقىتتا قىز ٶزٸن كەنەت جايسىز سەزٸنٸپ, كەۋدە تۇسى قاتتى اۋىرسىنۋىنا شاعىمدانعان. ول ەجەسٸمەن بٸرگە اۋرۋحاناعا بارعان. تۋىستارىنىڭ ايتۋىنشا, دەرٸگەرلەر قاجەت تەكسەرٸستەر جٷرگٸزٸپ, قان تالداۋلارىن العان, كارديوگرامما مەن رەنتگەن جاساعان. الدىن الا دياگنوز رەتٸندە پنەۆمونييا قويىلعان.
الايدا, تۋىستارىنىڭ ايتۋىنشا, ناۋقاستىڭ جاعدايىنا قاراماستان, دەرٸگەرلەر ونى ستاتسيونارعا جاتقىزباي, پۋلمونولوگتىڭ قابىلداۋىنا جولداما بەرٸپ, ٷيٸنە قايتارعان. نيگينا ٷيگە كەلگەن سوڭ دەمالىپ جاتقان, بٸراق شامامەن بٸر ساعات ٶتكەن سوڭ كٶز جۇمعان.
مارقۇمنىڭ جاقىندارى دەرٸگەرلەردٸڭ شەشٸمٸنە نارازىلىق بٸلدٸرٸپ وتىر. ولاردىڭ پٸكٸرٸنشە, قىز اۋرۋحانادا باقىلاۋدا بولعاندا, بۇل قايعىلى جاعدايدىڭ الدىن الۋعا بولار ەدٸ.
مارقۇم نەبەرٸ 20 جاستا بولعان. جاقىندا عانا وعان تۇرمىسقا شىعۋعا ۇسىنىس جاسالعان.
وتباسى ەدٸل ەرٸ جان-جاقتى تەرگەۋ جٷرگٸزۋدٸ تالاپ ەتٸپ, قۇقىق قورعاۋ ورگاندارىنا ارىز تٷسٸرگەن. قازٸر مەيٸتكە سوت-مەديتسينالىق ساراپتاما تاعايىندالىپ, تەۋەلسٸز ساراپشى تارتىلعان.
