Talǵarda adam zorlaǵany úshin qamaýǵa alynyp, artynsha qashyp ketken er adamnyń isine qatysty kimder jazalanǵany belgili boldy, - dep habarlaidy Dalanews.kz Tengrinews.kz-ke siltep.
Er adamnyń tergeý izoliatorynan qashyp ketýine qatysty Talǵar ýaqytsha ustaý izoliatorynyń bastyǵy men jaýapty qyzmetkeri Ishki ister organdarynan bosatylǵan.
"Talǵar aýdandyq politsiia basqarmasynyń qyzmetkerleri tarapynan nemqurailylyq faktisi boiynsha jeke qaýipsizdik bólimshesi QR QK 371-baby boiynsha sotqa deiingi tergep-tekserýdi bastady ("jaýapty memlekettik laýazymdy atqaratyn adamnyń nemese Quqyq qorǵaý nemese arnaýly memlekettik organnyń ózge de basshysynyń qyzmeti boiynsha áreketsizdik").
Osy qylmystyq is sheńberinde laýazymdy adamdardyń is-áreketterine quqyqtyq baǵa beriletin bolady. Sonymen qatar, qyzmettik tergeý nátijeleri boiynsha 12 qyzmetker qatań tártiptik jaýapkershilikke tartyldy, onyń ishinde ýaqytsha ustaý izoliatorynyń bastyǵy men jaýapty qyzmetkeri teris sebeptermen ishki ister organdarynan bosatyldy", - dep habarlady QR IIM redaktsiianyń resmi suraýyna.
Eske salaiyq, jedel-izdestirý is-sharalary nátijesinde 25 qazanda ýaqytsha ustaý izoliatorynan qashqan kúdikti Tereńqara aýylynyń shetinde ustalǵan bolatyn.
Kúdikti qaitadan ýaqytsha ustaý izoliatoryna qamaldy. Oǵan jasalǵan negizgi qylmysqa qosymsha qamaýdan qashqany úshin aiyp taǵylady.
21 qazanda Almaty oblysynda ýaqytsha ustaý izoliatorynan kúdikti qashqan bolatyn. Ony ustaý úshin arnaiy "Sirena" jospary engizildi.
"Negizgi baǵyttarda baqylaý-ótkizý pýnktteri ornatylyp, barlyq kúsh pen qarajat qashqyndy taýyp, ustaýǵa baǵyttalǵan. Sonymen birge qashyp ketýdiń mán-jaiyn anyqtaý úshin qyzmettik tekserý taǵaiyndaldy", - dep habarlady Almaty oblystyq politsiia departamenti.
Baspasóz qyzmeti jaǵdai oblystyq politsiia departamenti basshylyǵynyń baqylaýynda ekenin habarlaǵan bolatyn.
Kórshileriniń sózinshe, 26 jastaǵy er adam kámeletke tolmaǵan týys qaryndasyn zorlaǵany úshini ustalǵan.
Túnde qala boiynsha blokbeketter qoiylyp, kúndiz olar alynyp tastaldy. Er adam temir torǵa túser aldynda Tereńqara aýylynda turǵan eken. Onyń úiin politseiler baqylaýǵa aldy. Týystary jýrnalistermen sóilespei qoiǵan.
Kúdikti er adamnyń kórshileriniń sózinshe, ol buǵan deiin de jaýapqa tartylǵan. Keiinnen anasymen birge turǵan. Bir jyldary anasy 8-synypta oqityn nemere qyzyn asyrap alǵan. Er adam sol qyzdy zorlaǵan. Bul týraly alǵash bolyp mektep muǵalimderi bilgen.
"Er adam qyzdy zorlaǵany týraly muǵalimderi anasyna aityp bergen. Oqiǵa jazǵy kanikýl kezinde bolǵan. Mundai jaǵdailar buǵan deiin de bolǵan eken", - deidi turǵyndardyń biri.
Tergeý izoliatorynyń jan-jaǵynda kameralar tur. Baqylaý-ótkizý aimaǵynda kezekshiler otyr. Alaida kúdikti tergeý izoliatorynan kúdikti qalai qashyp ketkenin eshkim túsindire almaǵan.
