تالعاردا ادام زورلاعانى ءۇشىن قاماۋعا الىنىپ، ارتىنشا قاشىپ كەتكەن ەر ادامنىڭ ىسىنە قاتىستى كىمدەر جازالانعانى بەلگىلى بولدى، - دەپ حابارلايدى Dalanews.kz Tengrinews.kz-كە سىلتەپ. 

ەر ادامنىڭ تەرگەۋ يزولياتورىنان قاشىپ كەتۋىنە قاتىستى تالعار ۋاقىتشا ۇستاۋ يزولياتورىنىڭ باستىعى مەن جاۋاپتى قىزمەتكەرى ىشكى ىستەر ورگاندارىنان بوساتىلعان. 

"تالعار اۋداندىق پوليسيا باسقارماسىنىڭ قىزمەتكەرلەرى تاراپىنان نەمقۇرايلىلىق فاكتىسى بويىنشا جەكە قاۋىپسىزدىك بولىمشەسى ق ر قك 371-بابى بويىنشا سوتقا دەيىنگى تەرگەپ-تەكسەرۋدى باستادى ("جاۋاپتى مەملەكەتتىك لاۋازىمدى اتقاراتىن ادامنىڭ نەمەسە قۇقىق قورعاۋ نەمەسە ارناۋلى مەملەكەتتىك ورگاننىڭ وزگە دە باسشىسىنىڭ قىزمەتى بويىنشا ارەكەتسىزدىك").

وسى قىلمىستىق ءىس شەڭبەرىندە لاۋازىمدى ادامداردىڭ ىس-ارەكەتتەرىنە قۇقىقتىق باعا بەرىلەتىن بولادى. سونىمەن قاتار، قىزمەتتىك تەرگەۋ ناتيجەلەرى بويىنشا 12 قىزمەتكەر قاتاڭ تارتىپتىك جاۋاپكەرشىلىككە تارتىلدى، ونىڭ ىشىندە ۋاقىتشا ۇستاۋ يزولياتورىنىڭ باستىعى مەن جاۋاپتى قىزمەتكەرى تەرىس سەبەپتەرمەن ىشكى ىستەر ورگاندارىنان بوساتىلدى"، - دەپ حابارلادى ق ر ءىىم رەداكسيانىڭ رەسمي سۇراۋىنا.

ەسكە سالايىق، جەدەل-ىزدەستىرۋ ءىس-شارالارى ناتيجەسىندە 25 قازاندا ۋاقىتشا ۇستاۋ يزولياتورىنان قاشقان كۇدىكتى تەرەڭقارا اۋىلىنىڭ شەتىندە ۇستالعان بولاتىن. 

كۇدىكتى قايتادان ۋاقىتشا ۇستاۋ يزولياتورىنا قامالدى. وعان جاسالعان نەگىزگى قىلمىسقا قوسىمشا قاماۋدان قاشقانى ءۇشىن ايىپ تاعىلادى.

21 قازاندا الماتى وبلىسىندا ۋاقىتشا ۇستاۋ يزولياتورىنان كۇدىكتى قاشقان بولاتىن. ونى ۇستاۋ ءۇشىن ارنايى "سيرەنا" جوسپارى ەنگىزىلدى.

"نەگىزگى باعىتتاردا باقىلاۋ-وتكىزۋ پۋنكتتەرى ورناتىلىپ، بارلىق كۇش پەن قاراجات قاشقىندى تاۋىپ، ۇستاۋعا باعىتتالعان. سونىمەن بىرگە قاشىپ كەتۋدىڭ ءمان-جايىن انىقتاۋ ءۇشىن قىزمەتتىك تەكسەرۋ تاعايىندالدى"، - دەپ حابارلادى الماتى وبلىستىق پوليسيا دەپارتامەنتى.

باسپا ءسوز قىزمەتى جاعداي وبلىستىق پوليسيا دەپارتامەنتى باسشىلىعىنىڭ باقىلاۋىندا ەكەنىن حابارلاعان بولاتىن.

كورشىلەرىنىڭ سوزىنشە، 26 جاستاعى ەر ادام كامەلەتكە تولماعان تۋىس قارىنداسىن زورلاعانى ءۇشىنى ۇستالعان. 

تۇندە قالا بويىنشا بلوكبەكەتتەر قويىلىپ، كۇندىز ولار الىنىپ تاستالدى. ەر ادام تەمىر تورعا تۇسەر الدىندا تەرەڭقارا اۋىلىندا تۇرعان ەكەن. ونىڭ ءۇيىن پوليسەيلەر باقىلاۋعا الدى. تۋىستارى جۋرناليستەرمەن سويلەسپەي قويعان. 

كۇدىكتى ەر ادامنىڭ كورشىلەرىنىڭ سوزىنشە، ول بۇعان دەيىن دە جاۋاپقا تارتىلعان. كەيىننەن اناسىمەن بىرگە تۇرعان. ءبىر جىلدارى اناسى 8-سىنىپتا وقيتىن نەمەرە قىزىن اسىراپ العان. ەر ادام سول قىزدى زورلاعان. بۇل تۋرالى العاش بولىپ مەكتەپ مۇعالىمدەرى بىلگەن. 

"ەر ادام قىزدى زورلاعانى تۋرالى مۇعالىمدەرى اناسىنا ايتىپ بەرگەن. وقيعا جازعى كانيكۋل كەزىندە بولعان. مۇنداي جاعدايلار بۇعان دەيىن دە بولعان ەكەن"، - دەيدى تۇرعىنداردىڭ ءبىرى. 

تەرگەۋ يزولياتورىنىڭ جان-جاعىندا كامەرالار تۇر. باقىلاۋ-وتكىزۋ ايماعىندا كەزەكشىلەر وتىر. الايدا كۇدىكتى تەرگەۋ يزولياتورىنان كۇدىكتى قالاي قاشىپ كەتكەنىن ەشكىم تۇسىندىرە الماعان.