الماتىدا دەستٷرلٸ تٷردە قىركٷيەكتٸڭ ٷشٸنشٸ جەكسەنبٸسٸندە تويلاناتىن قالا كٷنٸنە وراي مەرەكەلٸك ٸس-شارالار ٶتٸپ جاتىر. قالانىڭ تٷرلٸ الاڭدارىندا كونتسەرتتەر, فەستيۆالدەر, قويىلىمدار جەنە باسقا دا مەرەكەلٸك ٸس-شارالار ۇيىمداستىرىلعان, دەپ حابارلايدى dalanews.kz.
اباي الاڭىندا Otbasy Fest فەستيۆالٸ باستالدى. مۇندا الماتى قالاسىنىڭ ەكٸمٸ دارحان ساتىبالدى الماتىلىقتاردى مەرەكەمەن قۇتتىقتادى.
«بارشاڭىزدى قالا كٷنٸمەن شىن جٷرەكتەن قۇتتىقتايمىن! الماتىنىڭ دامۋىنا ٷلەس قوسىپ جٷرگەن ەربٸر تۇرعىنعا العىس بٸلدٸرەمٸن. حالىقارالىق رەيتينگ اگەنتتٸكتەرٸنٸڭ زەرتتەۋلەرٸنە سەيكەس, الماتى ورتالىق ازيياداعى ەڭ كٶركەم قالا اتانىپ, جاھاندىق وڭتٷستٸكتٸڭ جەتەكشٸ 30 قالاسى قاتارىنا ەندٸ. مەملەكەت باسشىسى قاسىم-جومارت توقاەۆ الماتىنىڭ دامۋىنا ەرەكشە مەن بەرٸپ, ونىڭ ەلٸمٸزدٸڭ تەۋەلسٸزدٸگٸنٸڭ بەسٸگٸ رەتٸندەگٸ تاريحي ماڭىزىن اتاپ كەلەدٸ. جٷرگٸزٸلٸپ جاتقان ساياساتتىڭ نەتيجەسٸندە بٷگٸندە شاھار ەكونوميكاسىنىڭ كٶلەمٸ 72 ميلليارد اقش دوللارىنا جەتتٸ. قازاقستانعا تارتىلاتىن شەتەلدٸك ينۆەستيتسييالاردىڭ 40%-دان استامى, ەلدەگٸ جالپى ٶنٸمنٸڭ تٶرتتەن بٸرٸ, ال مەملەكەتتٸك بيۋدجەت كٸرٸستەرٸنٸڭ ٷشتەن بٸرٸ الماتى قالاسىنا تيەسٸلٸ», – دەدٸ دارحان ساتىبالدى.
الماتى ەكٸمٸ قالاعا «باق-قالا» مەرتەبەسٸن قايتارۋدىڭ ماڭىزىن اتاپ ٶتٸپ, وسى ماقساتقا جەتۋ ٷشٸن بارشا تۇرعىندى اتسالىسۋعا شاقىردى. وسى باعىتتا قالالىق تەلٸمباقتار جەلٸسٸ قۇرىلىپ, وندا وتىرعىزۋعا ارنالعان كٶشەتتەر ٶسٸرٸلەدٸ. 2030 جىلعا دەيٸن قالا كٶشەلەرٸنە, سكۆەرلەر مەن ساياباقتارعا 1 ميلليوننان استام اعاش ەگۋ جوسپارلانعان. بۇل قالانى اۋقىمدى جاڭعىرتۋ جۇمىستارىنىڭ بٸر بٶلٸگٸ. قازٸر كٶشەلەر مەن قوعامدىق كەڭٸستٸكتەردە جٷرگٸزٸلٸپ جاتقان جٶندەۋ جۇمىستارى الداعى جىلدارى الماتىنىڭ زاماناۋي كەلبەتٸن قالىپتاستىرادى.
«الماتى ەردايىم جوعارى رۋحانيياتتىڭ, قوعامداعى ٶزٸن-ٶزٸ ۇستاۋ مەدەنيەتٸنٸڭ ٷلگٸسٸ بولىپ كەلدٸ. ەندٸ جاڭا قوعامدىق ەدەپتٸ قالىپتاستىرۋعا بەرٸمٸز جۇمىلا كٸرٸسەتٸن كەز كەلدٸ. ونىڭ نەگٸزٸندە بٸر-بٸرٸمٸزگە دەگەن قۇرمەت, سەزٸمدٸ ۇستامدىلىقپەن بٸلدٸرۋ جەنە جوعارى ازاماتتىق جاۋاپكەرشٸلٸك جاتۋى كەرەك. ناعىز الماتىلىق رۋحىمىز وسىدان كٶرٸنۋگە تيٸس», – دەدٸ دارحان ساتىبالدى.
قۇتتىقتاۋ سٶزٸنەن كەيٸن شاھار باسشىسى الماتىنىڭ دامۋىنا ەلەۋلٸ ٷلەس قوسقان 10 تۇرعىنعا «الماتى قالاسىنىڭ قۇرمەتتٸ ازاماتى» اتاعىن بەردٸ. ولاردىڭ قاتارىندا ەڭبەك ارداگەرلەرٸ, قوعام قايراتكەرلەرٸ, مەدەنيەت, قۇرىلىس جەنە دەنساۋلىق ساقتاۋ سالاسىنىڭ ٶكٸلدەرٸ, سونداي-اق بٸلٸم, سپورت جەنە كەسٸپكەرلٸك سالاسىنىڭ ماماندارى بار.
بۇل اتاققا ەڭبەك ارداگەرٸ, مەملەكەت قايراتكەرٸ عاينيكەن بيباتىروۆا, ەڭبەك ارداگەرٸ كلارا لەتنيكوۆا, ديريجەر ەرٸ كومپوزيتور مۇرات سەركەەۆ, سۋرەتشٸ اماندوس اقاناەۆ, سەۋلەتشٸ جەنە قالا قۇرىلىسى مامانى ورىسباي بايمىرزاەۆ, بەلگٸلٸ حيرۋرگ, قوعام قايراتكەرٸ ورىنباي دايىربەكوۆ, جەڭٸل اتلەت, قازاقستاننىڭ جەڭٸل اتلەتيكادان جاتتىقتىرۋشىسى ەمين تۇياقوۆ, قر ۇعا اكادەميگٸ, پروفەسسور, مەديتسينا عىلىمدارىنىڭ دوكتورى بولاتبەك بايماحانوۆ, مەملەكەت قايراتكەرٸ ەرٸ كەسٸپكەر قالدىباي قازانباەۆ جەنە كٶركەيتۋ سالاسىنىڭ ٶكٸلٸ الەكساندر كين يە بولدى.
مەرەكەلٸك باعدارلاما «سازگەن سازى» فولكلورلىق-ەتنوگرافييالىق انسامبلٸنٸڭ, قازاق مەملەكەتتٸك تسيركٸ ارتيستەرٸنٸڭ, ASU توبى مەن «الاتاۋ» دەستٷرلٸ ٶنەر تەاترى ۇجىمىنىڭ ٶنەر كٶرسەتۋٸمەن جالعاستى. كەش سوڭىندا Ratovich كونتسەرتٸ جەنە Best of NE PROSTO ORCHESTRA باعدارلاماسى ۇسىنىلادى.
مۋزىكالىق باعدارلامانىڭ باستى ٸس-شارالارى استانا الاڭىندا ٶتەدٸ. مۇندا «سەنٸم» ۆوكالدىق حورى, «وتىرار سازى» اكادەمييالىق وركەسترٸ, «رابات» انسامبلٸ, «استرا» توبى, Muzart Life جەنە باسقا دا ورىنداۋشىلاردىڭ قاتىسۋىمەن مەرەكەلٸك كونتسەرت ۇيىمداستىرىلادى. كەشكە Almaty Vibes مۋزىكالىق فەستيۆالٸ باستالىپ, ونىڭ ساحناسىندا ماقپال جٷنٸسوۆا, ميراس جٷگٸنٸسوۆ, KALIFARNIYA, ALPHA, ايدانا مەدەنوۆا, جاندوس قارجاۋباي جەنە باسقا دا تانىمال ٶنەرپازدار ٶنەر كٶرسەتەدٸ.
20 قىركٷيەكتە استانا الاڭىندا Almaty Zhuldyzy فەستيۆالٸ ٶتەدٸ. كٶرەرمەندەر الدىندا ازامات تٶرەحان, دانا كەنتاي, Kesh You توبى, ILHAN, «دوس-مۇقاسان» انسامبلٸ, روزا رىمباەۆا, «ياللا» توبى جەنە باسقا دا ورىنداۋشىلار ٶنەر كٶرسەتەدٸ. كەشتٸڭ حەدلاينەرٸ – ەلەمگە تانىمال DJ IMANBEK.
پانفيلوۆ جٷرگٸنشٸلەر كٶشەسٸندە ەكٸ كٷن بويى دەستٷرلٸ Alma Qala Fest فەستيۆالٸ ٶتەدٸ. قوناقتارعا بالالار ايماعى مەن ەتنوايماق, ەكولوگييالىق ايماق, كينوايماق, Digital-ايماق, سپورت الاڭدارى مەن فۋدكورت ۇيىمداستىرىلادى. فەستيۆالدٸڭ باستى ٸس-شارالارىنىڭ بٸرٸ - ەيگٸلٸ الماتىلىق اپورتتىڭ 200 توننادان استامىن ساتۋ.
