Talǵar ákimi qyzmetinen ketti, - dep habarlaidy Dalanews.kz.
Talǵar qalasynyń ákimi Qýatbekuly Bahyt Kúrishbekov, Talǵar qalasy ákiminiń orynbasary Matan Saǵyndyq óz mindetterin tiisti deńgeide atqarmaǵany úshin laýazymdarynan bosatyldy.
Basqa laýazymdaǵy qyzmetkerlerdiń jaýapkershilik deńgeii pysyqtalýda.
Aita ketsek, 4 qazanda túnde Talǵarda 16 jastaǵy jasóspirim asa qatygezdikpen óltirildi. Qaiǵyly oqiǵa bolǵan kúni Sherzat Bolat dúkende jumys isteitin ákesine kómektesken. Sol kúni agressivti tutynýshy saldarynan tóbeles bastalyp,aqyry qandy oqiǵamen aiaqtalǵan.
Kámeletke tolmaǵan balany óltirý deregi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý izoliatoryna qamaýǵa alyndy.
Sonymen qatar, Almaty oblystyq politsiia departamenti bastyǵynyń mindetin atqarýshy Shalqarov tóbelesten keiin qansha qarý tárkilengenin aitty.
Odan keiin Sherzattyń úiine kúzet qoiyldy.
Kóp uzamai marqum Sherzattyń úii órtendi.
