Taldyqorǵanda jańa formattaǵy úshinshi dúken ashyldy. Bul aldyńǵylarǵa qaraǵanda áldeqaida keń ári jaily saýda orny, munda áleýmettik mańyzy bar taýarlar 15-20% tómen baǵada usynylady, – dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Halyqqa paidasy mol bul saýda nysany "Jetisý" ÁKK" ÓDI" AQ-nyń qoldaýymen "Svet-Ko" JK-men birlesip ashyldy. Munda oblystyń turaqtandyrý qorynyń jáne "keri shemamen" jumys isteitin óndirýshilerdiń taýarlary saýdalanady.
Bul dúkende taýarlardyń túri kóp, sonyń ishinde azyq-túlik, turmystyq himiia, sýsyndar jáne basqa da áleýmettik mańyzy bar 18 túrli azyq-túlik ónimderi naryqtaǵydan 15-20% tómen baǵada saýdalanady. Mysaly, I sanattaǵy jumyrtqanyń ondyǵy 445 teńgeden, suiyq mai 510 tg/l, kúrish – 340 tg/kg, kartop – 110 tg/kg, piiaz – 70 tg/kg, sábiz – 140 tg/kg jáne t.b.
Nysannyń ashylýynda sóz sóilegen Taldyqorǵan qalasy ákiminiń orynbasary Rústem Bershimbekov áleýmettik dúkenderdiń ashylýy oblys ákimdiginiń bastamasymen, Taldyqorǵan qalasy ákimdigi men "Jetisý" áleýmettik-kásipkerlik korporatsiianyń birlesip qolǵa alǵan sharasy ekenin atap ótti.
– Mundaǵy sórelerge taýarlar deldalsyz, óndirýshilerden qosymsha shyǵynsyz tikelei jetkiziledi. Bul dúkenderdiń bári ÁKK-niń qarjylandyrýynda, sondyqtan bul olardyń taýarlardy naryqtaǵydan tómen baǵada satýyna múmkindik beredi, – dedi R. Bershimbekov.
Osy dúkenderdiń jumysyna qatysty satyp alýshylar da óz pikirin bildirdi:
– Munda jarma, kókónister men jumyrtqa alýǵa keldim. Shynynda da naryqtaǵydan tómen baǵada eken. Dúken qolaily jerde, aialdamaǵa jaqyn ornalasqan. Bizdiń aýdanda egde jastaǵylar kóp turady. Endi bizge ortalyq bazarǵa jii barýdyń qajeti bolmaidy, – dedi Gúlgúl Qanapiianova.
Jalpy qazirgi kezde Jetisý oblysynda "Jetisý" ÁKK-niń 6 áleýmettik núktesi bar, onyń ishinde 2 áleýmettik dúken Taldyqorǵanda, 1-eýi Úshtóbe qalasynda, sol siiaqty kommýnaldyq jáne áleýmettik bazarlar men "Kókbazar" saýda úiinde saýda núkteleri jumys isteidi. ÁKK ókilderiniń aitýynsha, jumys munymen toqtalmaidy, oblys ákiminiń tapsyrmasyna sáikes budan ári de oblys ortalyǵynyń halyq tyǵyz ornalasqan shaǵyn aýdandarynda osyndai formattaǵy áleýmettik dúkender ashylatyn bolady.
Atap ótsek, "Jaryq" áleýmettik jańa dúkeni "Samal" shaǵyn aýdanynda ornalasqan.
