– Jaqynda Taldyqorǵan qalasynda olimpiadalyq úlgidegi jabyq bassein ashylǵan edi. Jattyǵýǵa 3 myńnan asa bala jazylyp, myńnan astamy júzý úiirmesinde daiyndalýda. Jattyqtyrýshylar quramyn keńeitý jaǵy qarastyrylýda. Elbasy tapsyrmasy aiasynda aimaqta 13 dene shynyqtyrý-saýyqtyrý kesheni qoldanýǵa berildi. Taǵy tórteýiniń jáne 150 vorkaýt-nysan qurylysy júrgizilýde. Búgin, mine, stýdentterge arnalǵan júzý basseini paidalanýǵa berildi. Bassein buqaralyq sportty damytý jáne salaýatty ómir saltyn nasihattaý maqsatynda salyndy, – dep atap ótti Batyrjan Baijumanov. Ol ýniversitet basshylyǵyna oqý sapasynyń joǵarylyǵy, oqý ǵimaratynyń materialdyq-tehnikalyq bazasynyń jańartý baǵytyndaǵy jumystary úshin alǵysyn bildirdi.
Batyrjan Baijumanov, sondai-aq, búginde ýniversitet qabyrǵasynda 6 myńnan astam stýdent bilim alyp jatqanyn jetkizdi. Onyń 450-i oblys ákimi grantynyń iegeri.
Óz kezeginde ýniversitet rektory Qýat Baimyrzaev oblys ákiminiń qoldaýynyń arqasynda salynǵan stýdentterge arnalǵan zamanaýi jataqhananyń arqasynda Jetisý ýniversiteti respýblika boiynsha stýdentterdi áleýmettik qamtý boiynsha birinshi oryn ielengenin aitty. Sondai-aq ol oblys ákimine ýniversitetke kórsetilip jatqan kómek úshin alǵysyn bildirdi.
Stýdentter atynan sóz alǵan dene shynyqtyrý jáne sport fakýltetiniń 4-kýrs stýdenti, kórkem gimnastikadan sport sheberi Diana Beisenova rizashylyǵyn jetkizip, basseinniń ashylýy stýdentterdiń sportqa den qoiýyna serpin beretinin jetkizdi.
Aita keterligi, jabyq basseinniń jalpy kólemi 3644,20 sharshy metrdi quraidy. Nysan qurylys talaptaryna jáne sanitarlyq-epidemiologiialyq standarttarǵa sai salynǵan. Baisseinge kiretin jeke kireberis, kiim aýystyratyn oryn, saýna, vanna, jattyqtyrýshy men jumysshylarǵa arnalǵan bólme, sport inventaryn tazalap, saqtaýǵa arnalǵan arnaiy bólme, dezinfektsiialyq zattar barlyǵymen qamtylǵan. Ákimshilik jáne meditsinalyq kabinetter de bar. Odan bólek sýdy testileýden ótkizýge arnalǵan zerthanamen qamtylǵan.
Nysan qurylysy byltyrǵy jyly bastalǵan. Ashylysymen ýniversitet qyzmetkerleri men stýdentteri arnaiy bekitilgen keste boiynsha basseinge kelip, jattyǵa alady.
