«Otandyq taýar sapasyn arttyrý, menedjmenttiń halyqaralyq júiesin engizý – bizdiń basty mindetterimizdiń biri. Sapaly kórsetkish – turaqty jumys kepilin, bolashaqta jumys oryndarynyń qurylýyn, ónimniń ishki naryqtaǵy, sondai-aq syrtqy naryqtaǵy qajettiligin qamtamasyz etedi. Almaty oblysy yqpaldastyq úderisiniń ajyramas bóligi retinde shekaralyq aimaqta ornalasqandyqtan, kólik infraqurylymy men tranzittik áleýettiń damý kókjiegin keńeitýge múmkindik jasaidy. Ol taýarlardy Eýraziialyq odaq qataryndaǵy elderge ǵana emes, Eýropa jáne Ońtústik-Shyǵys Aziia elderine de shyǵarýǵa jol ashady», – dedi oblys ákiminiń orynbasary Serikjan Beskempirov.
Biylǵy jyly kórme-baiqaýdyń uiymdastyrý jumystaryna Almaty oblysy men Taldyqorǵan qalasy ákimdiginiń belsendi qoldaý bildirip otyrǵanyn atap ótkenimiz jón. Odan bólek, baiqaýǵa qatysýshylar men jeńimpazdarǵa oblys ákimi Amandyq Batalovtyń atynan Alǵys hattar tabys etildi.
Almaty oblysy Kásipkerler palatasynyń direktory Lázzat Shyńǵysbaeva óz sózinde kásipkerlerge baiqaýǵa qatysyp, oblys ekonomikasyn damytýǵa qosqan úlesteri úshin alǵysyn bildirdi.
«Bizdiń Sizdermen maqtanatynymyzdy, sheksiz rizashylyq bildiretinimizdi aitqym keledi. Sizder erekshe jansyzdar. Asqaq armandaryńyzdy júzege asyrý úshin aldaryńyzǵa naqty maqsat pen mindet qoia bildińizder. Bir orynda toqtap qalmai, kásipterińizdi jalǵastyrdyńyzdar. Sizder tek ózderińizdi ǵana emes, dúiim halyqty jumys ornymen qamtamasyz etip otyrsyzdar jáne memleketti, biýdjetke salyq tóleý arqyly, qoldaýdasyzdar. Sizderdiń arqalaryńyzda mektepter, aýrýhanalar jáne joldar salynyp jatyr. Kásipkerler palatasy men memlekettik organdar – bizneske qoldaý bildirip, Sizderdiń tyń ideialaryńyzdyń júzege asýy jáne Qazaqstannyń gúldenýi úshin qurylǵan», – dedi ÓKP basshysy.
Almaty oblysynyń Kásipkerler palatasy ekinshi jyl qatarynan baiqaýdyń uiymdastyrýshysy bolyp otyr. Syilyq 2006 jyldan bastap taǵaiyndalyp keledi, jáne búginde óziniń 10 jyldyǵyn atap ótip jatyr. Byltyr respýblikalyq baiqaýda Almaty oblysynyń atynan 9 kompaniia qatysty. Olardyń ishinen «Úzdik azyq-túlik taýarlary» atalymy boiynsha mártebeli birinshi oryndy «Rybprom» JShS ielengen bolatyn.
Biylǵy baiqaýǵa 49-ǵa tarta jergilikti kompaniia qatysty. Quramynda Kásipkerler palatasynyń ókilderi, QR Investitsiialar jáne damý ministrliginiń Tehnikalyq retteý jáne metrologiia komiteti departamenti, Kásipkerlikti basqarý jáne indýstriialdy-innovatsiialyq damý basqarmasy, «QazStIn» RMK filialy, «Respýblikalyq veterinariialyq zerthana» ShJQ RMK jáne biznes-qaýymdastyq ókilderinen quralǵan sarapshylar kompaniialardy sapa júiesi boiynsha, menedjment, basqarý tiimdiligi jáne basqa da talaptar boiynsha baǵalady.
Resmi marapattaý aldynda qonaqtardy baiqaý qatysýshylarynyń kórmesi kútip turdy. Kompaniialar óte muqiiat daiyndalǵan. Olar et, shujyq ónimderin, ulttyq ashana taǵamdaryn, qurylys materialdaryn, meditsinalyq qural-jabdyqtardy usyndy. Kórmede taýarlar men qyzmet túrlerimen tanysyp qana qoimai, óz baǵasynda satyp alý múmkindigi de týdy. Ulttyq orkestrdiń oryndaýyndaǵy ulttyq mýzyka da baiqaýdyń sánin keltirdi.
Biyl kásipkerlerge júldelerdi Kásipkerler palatasynyń strategiialyq seriktesteri tabystady. Olardyń arasynda oblys ákimdiginiń ókilderi, prokýratýra, memlekettik kirister departamentiniń bolýy kezdeisoqtyq emes. Osylaisha uiymdastyrýshylar Almaty oblysy óńirlik Kásipkerler palatasy qurylǵannan bergi 2,5 jyl ishinde qalyptasqan tiimdi qarym-qatynas pen jemisti yntymaqtastyqty kórsetýge nietti. Sondai-aq olardyń belsendi qatysýy, memlekettik organdardyń biznestiń damýyna qyzyǵýshylyq tanytyp otyrǵanynyń taǵy bir dáleli. Jeńimpazdar men júldegerlerge arnaiy diplomdar jáne aqshalai syilyqtar taǵaiyndalǵan. III orynǵa – 50 myń teńge, II orynǵa – 100 myń teńge, al jeńimpazǵa 150 myń teńge kóleminde sertifikat beriledi. Kásipkerler palatasy, eki jyl qatarynan, baiqaýǵa bólingen qarajattyń 90%-yn jeńimpazdarǵa aqshalai sertifikat túrinde tapsyryp jatqanyn atap ótken jón.
Alǵashqy «Óndiristik maqsattaǵy úzdik taýarlar» atalymyn ákimniń orynbasary Serikjan Beskempirov pen Palata direktory Lázzat Shyńǵysbaeva marapattady. Sonymen, osy atalym boiynsha úshinshi oryn «Galaksi» JShS-ǵa buiyrdy. Kompaniianyń negizgi biznes kózi plastikalyq jáne aliýminii profilder, terezeler, qubyrlar men fitingter óndirýmen bailanysty. Kompaniia 1993 jyly qurylǵan jáne búgingi kúnge deiin Qazaqstan naryǵynda kásibin tabysty jalǵastyryp keledi. Ekinshi oryndy Jarkent krahmal sirne zaýyty ielendi. Kásiporyn 18 túrli ónim shyǵaryp, ony eksporttap otyr. Birinshi orynǵa, úzdik kompaniia ataǵyna «Almaty boiaýlary» JShS laiyqty dep tanyldy. «Almaty boiaýlary» JShS Qazaqstan naryǵynda jumys isteý barysynda elde jol-belgileý materialdaryn tasymaldaýshy jetekshi kompaniialardyń birine ainaldy. Kásiporyn Resei naryǵyna shyqty, jáne búginde joǵary tehnologiialyq zaýyt salyp, basqa da jyltyr-syrlardy óndirip otyr.
Ekinshi «Úzdik azyq-túlik taýarlary» atalymyn Almaty oblysy prokýrorynyń mindetin atqarýshy Qairat Abdyhanov pen baiqaýdyń qurmetti qonaǵy, «Aigul Line» kompaniiasynyń basshysy Aigúl Janserikova tapsyrdy. III oryn jáne 50 myń teńge kólemindegi aqshalai sertifikatty «Moldasanova JK – «Asqar taý» etno-meiramhanasy ielendi. II oryn igeri – «Birinshi syra zaýyty» JShS. Zaýyttyń shyǵý tarihy 19-ǵasyrdyń ortasynan bastaý alady. Sodan beri búgingi tańǵa deiin kompaniianyń missiiasy – tutynýshylardyń talabynan shyǵý, ishki jáne halyqaralyq naryqtaǵy kompaniianyń básekege qabilettiligin arttyrý, senimdi seriktestik qurýdy damytý bolyp otyr. Al osy atalym boiynsha «Alataý Qus» AQ úzdikter qatarynan kórindi. Kásiporynda 850-den astam adam eńbek etedi. Kúnine 50 myń kg qus eti óndiriledi.
«Halyq tutynatyn úzdik taýarlar» atalymyn Almaty oblysy boiynsha memlekettik kirister basqarmasynyń basshysynyń mindetin atqarýshy Táýken Oshaqbaev pen Kásipkerler palatasy óńirlik Isker áielder keńesiniń tóraiymy Mamila Musabekova marapattady. Atalym boiynsha III oryndy – «Almaty matras fabrikasy» JShS ielendi. Endi ǵana damyp kele jatqan kompaniia óz ónimderin halyqaralyq standarttarǵa sai, zamanaýi, eýropalyq qural-jabdyqtarmen óndirip otyr. Qazaqstan naryǵynda 8 jyldan beri, elimizdiń eń iri «Evromebel», «Kinza», «SoiýzAidartorg», «Iýsko» «Shaneriz» syndy jihaz ónimderin kóterme jáne bólshek baǵamen satýshy kompaniialarmen jumys istep keledi. II orynnan «Dolce» JShS kórindi. Jas jáne bolashaǵy zor kompaniia meditsina salasynda jumys istep, óz ónimderin shyǵaryp keledi. Atalymnyń jeńimpazy, iaǵni I oryn – «Teksan Kazahstan Invest» JShS buiyrdy. JShS elektr ónimderin óndirýge mamandandyrylǵan otandyq óndirýshi bolyp otyr. Zaýyt jaryq beretin shamdar jáne shikizat ónimderin daiyndaý men bolashaq modelderge pishin berý úshin innovatsiialyq qural-jabdyqtarmen jabdyqtalǵan.
Júldeli oryndarmen marapattaý sátinde kóptegen kompaniialardyń basshylary baiqaý uiymdastyrýshylaryna alǵys bildirdi. Endi osy jeńimpaz kompaniialar Almaty oblysynyń atynan respýblikalyq «Qazaqstannyń úzdik taýary» kórme-baiqaýyna qatysady.
