Taldyqorǵanda 21 adamnan turatyn uiymdasqan qylmystyq topqa qatysty sot úkimi shyqty, dep habarlaidy Dalanews.kz 24.kz-ke siltep.
Sottalýshylar qatarynda Almaty jáne Jetisý oblysyndaǵy mamandandyrylǵan halyqqa qyzmet kórsetý ortalyǵynyń jáne ákimshilik politsiia basqarmasynyń qyzmetkerleri bar.
Olar shetelden ákelingen júk kólikterin zańsyz tirkeýmen ainalysqan. Iaǵni aqparattyq júiege bastapqy tirkeý alymy tólendi dep kórsetip, jalǵan málimet engizgen. Osylaisha kúdiktiler 1385 tehnikany rásimdegen. Saldarynan memleketke 9 mlrd teńge shyǵyn kelgen.
270 tomnan turatyn is 4 ai boiy tergep tekserilgen.
"2 jyldan bastap 12 jyl aralyǵynda bas bostandyǵynan aiyrý jazasy taǵaiyndaldy. Olar jazasyn qylmystyq atqarý júiesiniń ortasha jáne barynsha tómen mekemelerinde óteidi. Búgingi tańda úkim zańdy kúshine enbegen", - dedi oblystyq qylmystyq ister jónindegi mamandandyrylǵan aýdanaralyq sotynyń tóraǵasy Baqyt Ermahanov.
