Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Taldyqorǵanda kóp balaly analar úshin tigin tsehy ashyldy

Dalanews
Taldyqorǵanda kóp balaly analar úshin tigin tsehy ashyldy
Taldyqorǵan qalasynda Almaty oblysy ákimdiginiń qoldaýymen kóp balaly jáne az qamtylǵan analardy jumyspen qamtý maqsatynda tigin tsehy ashyldy. Birinshi kezeńde turaqty jumyspen 20-dan astam áiel qamtylyp, budan ári jumys oryndary 30-ǵa jetkizilmek, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.

Jańa kásiporyndy ashý oblys ákimi Amandyq Batalovtyń biylǵy jyldyń aqpan aiynda «Asyl Analar» qoǵamdyq qorynyń ókilderimen kezdesýinde aitylǵan usynystyń negizinde qolǵa alynyp, kezdesýdiń nátijeli bolǵanyn kórsetip otyr.

Sol kezdesýde oblys ákimi kóp balaly analarǵa tigin tsehyn ashýǵa, oǵan kerekti oryn taýyp berýge, tigin mashinalaryn jáne basqa da qajetti qural-jabdyqtardy satyp alýǵa kómektesetinin aitqan bolatyn. Soǵan orai búgin tigin tsehy jumysyn bastap, birinshi tapsyrysyn oryndaýǵa kiristi.

Ákimniń tapyrmasyn oryndaý maqsatynda «Jetisý» ÁKK» ÓDI» AQ tarapynan tseh ashýǵa qolaily oryn tańdalyp, ǵimaratqa kúrdeli jóndeý júrgizildi. Sol siiaqty «Jack» álemdik brendiniń zamanaýi 12 tigin mashinasy satyp alynyp, 0,01% qarjylyq lizingige berildi. Tigin kásipornynyń tolyqqandy jumys isteýine barlyq jaǵdai jasalǵan. Tigin tsehy atale túrinde jumis isteidi, onda erler men áielder kiimderin, arnaiy kiimderdi, qorǵanys betperdeleri tigiledi, kúrdeli restavratsiialar jasalady. Birinshi tapsyrys «Taldyqorǵan kórkeitý» JShS qyzmetkerlerine arnap jiletter tigýge berildi.

Mamandardy oqytý men olardyń biliktiligin arttyrý máselesi de sheshilgen. Qazir tsehtyń bolashaq 12 tiginshisi «Eńbek» memlekettik baǵdarlamasy boiynsha tigin isiniń qysqa kýrsynda oqyp jatyr. Búgingi kúni qajetti biliktiligi bar 5 tiginshi shaǵyn fabrikada óz jumysyn bastady.

– Ózimiz siiaqty az qamtylǵan jáne kóp balaly analardy jumyspen qamtý úshin tigin tsehyn ashý týraly oi kelgende, biz kómekke oblys ákimi Amandyq Batalovqa júgindik. Kezdesýdiń nátijesinde bizge barlyq tiisti kómek kórsetildi. Búgin armanymyz aqiqatqa ainalyp, tigin tsehy iske qosyldy. Biz birinshi kezekte kóp balaly analardy  turaqty jumys oryndarymen qamtimyz, ekinshiden kómekke muqtaj azamattarǵa kómek kórsetemiz. Bizge qoldaý kórsetip, senim artqandary úshin shyn júrekten rizamyz. Isimizdi dóńgelentip, ózgelerge úlgi bolamyz dep oilaimyn, – dedi «Asyl Analar» qorynyń quryltaishylarynyń biri Talshyn Týktynova.

Tsehtyń qurylý tarihy men ózderiniń josparlary jaily atalmysh qoǵamdyq uiym qurylaishylarynyń biri Aigúl Jolamanova da aityp berdi:

– Men 12 jyl úi sharýasymen ainalysyp, múgedek balamdy qarap úide otyrdym. Birde ózim sekildi áieldermen birge Taldyqorǵan qalasy ákimiginiń yqpal etýimen biz qoǵamdyq uiym quramyz dep sheshtik. Metsenattar men kásipkerlerdiń kómegimen kóp balaly jáne az qamtylǵan otbasylaryna kómek kórsetýmen ainalysa bastadyq. Oblys basshylyǵynyń kómegimen búgin, mine, osy tigin tsehyn ashyp otyrmyz. Tiginmen ainalysý qolymyzdan keledi. Al kelesi jyldary osy tigin tsehynyń bazasynda oqý ortalyǵyn ashsaq deimiz. Ol úshin bizde arnaiy jabdyqtalǵan ǵimarat bar. Sóitip biz kóp balaly analardy ózimiz oqytyp, ózimiz jumyspen qamtimyz, tipti jumyspen qamtý ortalyqtary arqyly da jumysqa alýǵa bolady. Qysqasha aitqanda aldaǵy ýaqytta tsehty keńeitsek deimiz. «Jetisý» ÁKK basshylyǵy qajetti kómekti kórsetetinderin aityp sendirdi, sol qatarda jumys jaǵynan da, tapsyrys jaǵynan da qoldaý bildiretinin aitty, – dedi A.Jolamanova.

Jas maman Aigerim Asanova osy tsehtan jumys taýyp, qýanyshqa kenelgenderdiń biri.

– Eń aldymen «Asyl Analar» qoǵamdyq qoryn kóp balaly analar úshin tigin tsehyn ashýymen quttyqtaimyn. Alǵashqy eńbek jolymdy osy tsehtan bastaý baqyty buiyrǵanyna qýanyshtymyn. Men buǵan deiin jumys istegen joqpyn, balalarymdy baǵyp-qaǵyp, tárbieleýmen ainalystym. 4 ulym bar. Úlkenim 12 jasta. Kishkentaiym 2 jasqa toldy. Jalǵyzbasty anamyn. Tigin ónerin mektepti bitire sala meńgerip aldym. Endi sol bilimimdi is júzinde paidaǵa asyramyn, – dedi kóp balaly ana A.Asanova.
Madina Sádýaqasova

Oqi otyryńyz