Taldyqorǵanda jylý berile bastaldy
Almaty oblystyq energetika jáne turǵyn úi – kommýnaldyq sharýashylyq basqarmasynyń málimeti boiynsha, Taldyqorǵan qalasynyń jylý júieleri men jelileri jylytý maýsymyna 100%-ǵa daiyn.
Óńir basshysynyń tapsyrmasyna sáikes jylý birinshi kezekte áleýmettik nysandarǵa beriledi. Balabaqshalar, mektepter men densaýlyq saqtaý mekemelerine jylý 30 qyrkúiekten bastap berile bastady. Búgin osy atalǵan jumystar tolyǵymen aiaqtalýy tiis. Al, turǵyn úilerge jylý erteńnen bastap berile bastaidy.
Jalpy Taldyqorǵanda ortalyq jylytý júiesine qosylǵan 82 biýdjettik mekeme men 753 kópqabatty turǵyn úi bar. Oblys boiynsha biylǵy jylytý maýsymyna daiyndyq jumystaryna biýdjetten 15,9 mlrd. tg. qarastyrylǵan.
Esterińizge salar bolsaq, Almaty oblysynda jylytý maýsymy jyl saiyn 15 qazannan bastalatyn.
