Oblystyq jastar saıasaty máseleleri jónindegi basqarmanyń uıymdastyrýymen Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasyna oraı ótkizilgen aıtysqa elimizdiń túkpir-túkpirinen 14 pen 29 jas aralyǵyndaǵy on jas aqyn qatysty. Aıtys qonaqtary ári ádilqazy alqasy retinde Balǵynbek Imashev, Aınur Tursynbaeva, Serikzat Dúısenǵazy, Sara Toqtamysova, Jandarbek Bulǵaqovtar da Jetisý jerine keldi. Aıtystyń ashylýynda oblys ákiminiń orynbasary Jaqsylyq Omar sóz sóılep, aıtystyń mán-mańyzyna, rýhanı jańǵyrýdaǵy úles-salmaǵyna toqtalyp ótti.
Sóz saıysynyń qorytyndysynda Bas júldege Batys Qazaqstan oblysynyń aqyny Muradym Mırlanov laıyq dep tanylyp, oǵan 500 myń teńgeniń sertıfıkaty usynyldy. 1 orynǵa Batys Qazaqstan oblysynan kelgen Talǵat Myqı, 2 orynǵa jetisýlyq jas aqyn Jalǵas Sadyq pen jambyldyq Áset Dúısembaev ıe bolyp, olar tıisinshe 350 myń jáne 200 myń teńgeden aqshalaı syılyqtarǵa qol jetkizdi. Ózge qatysýshylardyń barlyǵyna yntalandyrý syılyǵy retinde 75 myń teńgeden berildi.
