وبلىستىق جاستار ساياساتى ماسەلەلەرى جونىندەگى باسقارمانىڭ ۇيىمداستىرۋىمەن ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنا وراي وتكىزىلگەن ايتىسقا ەلىمىزدىڭ تۇكپىر-تۇكپىرىنەن 14 پەن 29 جاس ارالىعىنداعى ون جاس اقىن قاتىستى. ايتىس قوناقتارى ءارى ءادىلقازى القاسى رەتىندە بالعىنبەك يماشيەۆ، اينۇر تۇرسىنبايەۆا، سەرىكزات دۇيسەنعازى، سارا توقتامىسوۆا، جانداربەك بۇلعاقوۆتار دا جەتىسۋ جەرىنە كەلدى. ايتىستىڭ اشىلۋىندا وبلىس اكىمىنىڭ ورىنباسارى جاقسىلىق ومار ءسوز سويلەپ، ايتىستىڭ ءمان-ماڭىزىنا، رۋحاني جاڭعىرۋداعى ۇلەس-سالماعىنا توقتالىپ ءوتتى.
ءسوز سايىسىنىڭ قورىتىندىسىندا باس جۇلدەگە باتىس قازاقستان وبلىسىنىڭ اقىنى مۇرادىم ميرلانوۆ لايىق دەپ تانىلىپ، وعان 500 مىڭ تەڭگەنىڭ سەرتيفيكاتى ۇسىنىلدى. 1 ورىنعا باتىس قازاقستان وبلىسىنان كەلگەن تالعات مىقي، 2 ورىنعا جەتىسۋلىق جاس اقىن جالعاس سادىق پەن جامبىلدىق اسەت دۇيسەمبايەۆ يە بولىپ، ولار تيىسىنشە 350 مىڭ جانە 200 مىڭ تەڭگەدەن اقشالاي سىيلىقتارعا قول جەتكىزدى. وزگە قاتىسۋشىلاردىڭ بارلىعىنا ىنتالاندىرۋ سىيلىعى رەتىندە 75 مىڭ تەڭگەدەن بەرىلدى.
