Taldyqorǵanda birneshe kóshe men oǵan quramdas bólikteriniń ataýy ózgeredi. Bul sheshimdi Jetisý oblysynyń ákimdigi men máslıhaty qabyldady, dep habarlaıdy Dalanews.kz.
Atalǵan sheshimge sáıkes, Frýnze kóshesi keńestik mal ósirýshi Jazylbek Qýanyshbaevtyń qurmetine atalmaq.
“Respýblıkalyq onomastıkalyq komısıanyń qorytyndysynan keıin jáne Jetisý óńiri turǵyndarynyń pikirin eskere otyryp, kóshelerge jańa ataýlar berý týraly sheshim qabyldandy. Sheshim jobasy "Ashyq zańdy jáne zańdy tulǵalar" saıtynda jarıalanǵan”, – delingen habarlamada.
Bereke turǵyn alabynda da birqatar kóshelerdiń ataýy ózgeredi. Atap aıtatyn bolsaq:
- № 12 kóshe – Eset batyr;
- № 14 kóshe - Kereı han;
- № 15 kóshe – Jánibek han;
- № 16 kóshe – Tumanbaı Moldaǵalıev.
Taldyqorǵan qalasynyń ońtústik-batys bóliginiń ataýy:
- № 14 kóshe – Qaıym Muhamedhanov;
- № 16 kóshe – Er Jánibek.
Shyǵys aınalmasynan Shyǵys yqshamaýdanynyń ındýstrıalyq aımaǵyna deıingi ataýy joq tas jol Saǵadat Nurmaǵanbetovtiń qurmetine qaıta atalmaq. Al Frýnze kóshesi Jazylbek Qýanyshbaev kóshesi dep atalady.
