تالدىقورعاندا بىرنەشە كوشە مەن وعان قۇرامداس بولىكتەرىنىڭ اتاۋى وزگەرەدى. بۇل شەشىمدى جەتىسۋ وبلىسىنىڭ اكىمدىگى مەن ءماسليحاتى قابىلدادى، دەپ حابارلايدى Dalanews.kz.
اتالعان شەشىمگە سايكەس، فرۋنزە كوشەسى كەڭەستىك مال ءوسىرۋشى جازىلبەك قۋانىشبايەۆتىڭ قۇرمەتىنە اتالماق.
“رەسپۋبليكالىق ونوماستيكالىق كوميسسيانىڭ قورىتىندىسىنان كەيىن جانە جەتىسۋ ءوڭىرى تۇرعىندارىنىڭ پىكىرىن ەسكەرە وتىرىپ، كوشەلەرگە جاڭا اتاۋلار بەرۋ تۋرالى شەشىم قابىلداندى. شەشىم جوباسى "اشىق زاڭدى جانە زاڭدى تۇلعالار" سايتىندا جاريالانعان”، – دەلىنگەن حابارلامادا.
بەرەكە تۇرعىن الابىندا دا ءبىرقاتار كوشەلەردىڭ اتاۋى وزگەرەدى. اتاپ ايتاتىن بولساق:
- № 12 كوشە – ەسەت باتىر؛
- № 14 كوشە - كەرەي حان؛
- № 15 كوشە – جانىبەك حان؛
- № 16 كوشە – تۇمانباي مولداعالييەۆ.
تالدىقورعان قالاسىنىڭ وڭتۇستىك-باتىس بولىگىنىڭ اتاۋى:
- № 14 كوشە – قايىم مۇحامەدحانوۆ؛
- № 16 كوشە – ەر جانىبەك.
شىعىس اينالماسىنان شىعىس ىقشاماۋدانىنىڭ يندۋستريالىق ايماعىنا دەيىنگى اتاۋى جوق تاس جول ساعادات نۇرماعانبەتوۆتىڭ قۇرمەتىنە قايتا اتالماق. ال فرۋنزە كوشەسى جازىلبەك قۋانىشبايەۆ كوشەسى دەپ اتالادى.
