Medısınalyq mekeme zaman talabyna saı quraldarmen tolyq jabdyqtalǵan, trıaj-júıesi engizilgen. Munda 68 bilikti maman medısınalyq qyzmet kórsetedi, ondaǵy 20 dárigerdiń 11-i – joǵary sanatty.
![](/uploads/images/20240127210314927.jpg)
Atap ótsek, mundaı ortalyqtar jýyq arada qalanyń basqa da shaǵyn aýdandarynda, kotejdi qalashyqta ashylatyn bolady.
Jalpy Almaty oblysynda 806 medısınalyq mekeme, olarda 5 myńdaı dáriger medısınalyq qyzmet kórsetedi. Alǵashqy medıko-sanıtarlyq kómekti damytý men jańǵyrtý – jumystyń basty baǵyttarynyń biri. Medısınalyq uıymdardyń materıaldyq-tehnıkalyq bazasyn jaqsartý maqsatynda bıylǵy jyly Almaty oblysynda 11 nysan salý josparlanǵan: 9 dárigerlik ambýlatorıa, Raıymbek jáne Kerbulaq aýdandarynda bir aýysymda 250 adamdy qabyldaıtyn 2 emhana paıdalanýǵa beriledi. Sarqan aýdandyq ortalyq aýrýhana men Shelek aýylyndaǵy ortalyq aýdandyq aýrýhanada jańǵyrtý jumystary júrgizilýde. Memlekettik-jekemenshik seriktestik sheńberinde Jambyl aýdany Uzynaǵash aýylynda emhananyń qurylysy bastaldy. «Aýyl – el besigi» baǵdarlamasy boıynsha Eskeldi, Kóksý aýdandaryndaǵy ortalyq aýdandyq aýrýhanalardy kúrdeli jóndeý josparlanǵan.
Almaty oblysy ákiminiń baspasóz qyzmeti