مەديسينالىق مەكەمە زامان تالابىنا ساي قۇرالدارمەن تولىق جابدىقتالعان، ترياج-جۇيەسى ەنگىزىلگەن. مۇندا 68 بىلىكتى مامان مەديسينالىق قىزمەت كورسەتەدى، ونداعى 20 دارىگەردىڭ 11ء-ى – جوعارى ساناتتى.
![](/uploads/images/20240127210314927.jpg)
اتاپ وتسەك، مۇنداي ورتالىقتار جۋىق ارادا قالانىڭ باسقا دا شاعىن اۋداندارىندا، كوتتەدجدى قالاشىقتا اشىلاتىن بولادى.
جالپى الماتى وبلىسىندا 806 مەديسينالىق مەكەمە، ولاردا 5 مىڭداي دارىگەر مەديسينالىق قىزمەت كورسەتەدى. العاشقى مەديكو-سانيتارلىق كومەكتى دامىتۋ مەن جاڭعىرتۋ – جۇمىستىڭ باستى باعىتتارىنىڭ ءبىرى. مەديسينالىق ۇيىمداردىڭ ماتەريالدىق-تەحنيكالىق بازاسىن جاقسارتۋ ماقساتىندا بيىلعى جىلى الماتى وبلىسىندا 11 نىسان سالۋ جوسپارلانعان: 9 دارىگەرلىك امبۋلاتوريا، رايىمبەك جانە كەربۇلاق اۋداندارىندا ءبىر اۋىسىمدا 250 ادامدى قابىلدايتىن 2 ەمحانا پايدالانۋعا بەرىلەدى. سارقان اۋداندىق ورتالىق اۋرۋحانا مەن شەلەك اۋىلىنداعى ورتالىق اۋداندىق اۋرۋحانادا جاڭعىرتۋ جۇمىستارى جۇرگىزىلۋدە. مەملەكەتتىك-جەكەمەنشىك سەرىكتەستىك شەڭبەرىندە جامبىل اۋدانى ۇزىناعاش اۋىلىندا ەمحانانىڭ قۇرىلىسى باستالدى. «اۋىل – ەل بەسىگى» باعدارلاماسى بويىنشا ەسكەلدى، كوكسۋ اۋداندارىنداعى ورتالىق اۋداندىق اۋرۋحانالاردى كۇردەلى جوندەۋ جوسپارلانعان.
الماتى وبلىسى اكىمىنىڭ باسپا ءسوز قىزمەتى