Almaty oblysy ortalyǵy Taldyqorǵan qalasy aýmaǵynda oryn alýy yqtimal tótenshe jaǵdailardyń aldyn alý, turǵyndardyń qaýpsizdigin qamtamasyz etý maqsatynda Taldyqorǵan qalasynyń ákimidigimen arnaiy qaýly bekitildi.
Bas qujattyń aiasynda, tilsiz jaýdan keletin qaterdiń betin qaitarý kózdelgen. Taldyqorǵan qalasynyń aýmaǵynda 2021 jylǵy sý tasqyny kezeńine daiyndyq maqsatynda, qaýipsizdikti jáne tótenshe jaǵdailardy joiýdy qamtamasyz etý ushin Almaty oblysy TJD-niń qalalyq bólimshelerinde joǵary ótimdi – 7 tehnika, 1 jyljymaly motopompa, jáne 8 tasymaldy motopompalar jaýyngerlik daiyndyqta tur.
– Taldyqorǵan qalasynyń aýmaǵynda 341,6 shaqyrym aryq jelileri bar. Onyń ishinde 129,8 shaqyrymy lotoktyq temirbeton kana bolsa, 211,8 shaqyrymy jer arnasynda jáne 710 aryq kópir ótkelderi bar. Ótenai aýyldyq okrýgi boiynsha ishki aryq sý júieleriniń jalpy uzyndyǵy 27 shaqyrymdy quraidy onyń ishinde 5 shaqyrymy latokty aryq júiesi. Moinaq aýlynda 3,20 shaqyrymdy quraityn ainalmaly kanal ornatylǵan, – dedi Taldyqorǵan qalasy Tótenshe jaǵdailar basqarmasy bastyǵynyń orynbasary azamattyq qorǵaý maiory Oljas Óserbaev.
Tótenshe jaǵdaidyń aldyn alý úshin, «Qyzyl Tas» saiajai qoǵamynda – 1 shaqyrym, «Almaly-Ashybulaq» saiajai qoǵamynda – 2,9 shaqyrym, Moinaq aýylynda – 712 metr quraityn qorǵanys bógetterine, sý shyǵarý arnalaryna nyǵaitý, qalpyna keltirý jáne tazartý jumystary júrgizildi.
Mamandardyń aitýynsha, atqarylǵan sharalarynyń nátijesinde 2020 jyly jáne 2021 jyldyń ótken kezeńinde turǵyn úiler men sharýashylyq júrgizý obektilerin sý basý faktileri tirkelmegen.
Alda-jalda qyzyl sý basqan jaǵdaida turǵyndardy evakýatsiialaýǵa 14 mektep pen I. Jansúgirov atyndaǵy ýniversitettiń sport zaldary arnaiy jasaqtalǵan. Osylaisha azamattardyń jeke bas qaýipsizdigi saqtalmaq.
Qater aiaq astynda ekeni anyq. Sý tasqynynan bólek, órt sharpýyda áp sátte ekenin esten shyǵarmaǵan abzal. Jyl basynan beri qalada 17 órt oqiǵasy tirkelgen. Onyń ishinde 12 turǵyn úi sektory qyzyl jalynnyń sharpýynda qalǵan.
Jaýaptylar, óz kezeginde barsha adamzatty uqypty bolýǵa, ásirese tabiǵi gazdy paidalaný kezinde qaýipsizdik erejelerin saqtańyzdar dep dabyl qaǵýda. Ýly gazdan keletin qaterdi boldyrmaý maqsatynda qala ákimdiginiń qoldaýymen 1682 gaz datchikteri áleýmettik osal top ókilderiniń úiine ornatylǵan. Sáikesinshe, órt shyǵý saldaryda azaiǵan.
