الماتى وبلىسى ورتالىعى تالدىقورعان قالاسى اۋماعىندا ورىن الۋى ىقتيمال توتەنشە جاعدايلاردىڭ الدىن الۋ، تۇرعىنداردىڭ قاۋپسىزدىگىن قامتاماسىز ەتۋ ماقساتىندا تالدىقورعان قالاسىنىڭ اكىمىدىگىمەن ارنايى قاۋلى بەكىتىلدى.
باس قۇجاتتىڭ اياسىندا، ءتىلسىز جاۋدان كەلەتىن قاتەردىڭ بەتىن قايتارۋ كوزدەلگەن. تالدىقورعان قالاسىنىڭ اۋماعىندا 2021 جىلعى سۋ تاسقىنى كەزەڭىنە دايىندىق ماقساتىندا، قاۋىپسىزدىكتى جانە توتەنشە جاعدايلاردى جويۋدى قامتاماسىز ەتۋ ءۇشىن الماتى وبلىسى ءتجد-نىڭ قالالىق بولىمشەلەرىندە جوعارى ءوتىمدى – 7 تەحنيكا، 1 جىلجىمالى موتوپومپا، جانە 8 تاسىمالدى موتوپومپالار جاۋىنگەرلىك دايىندىقتا تۇر.
– تالدىقورعان قالاسىنىڭ اۋماعىندا 341،6 شاقىرىم ارىق جەلىلەرى بار. ونىڭ ىشىندە 129،8 شاقىرىمى لوتوكتىق تەمىربەتون كانا بولسا، 211،8 شاقىرىمى جەر ارناسىندا جانە 710 ارىق كوپىر وتكەلدەرى بار. وتەناي اۋىلدىق وكرۋگى بويىنشا ىشكى ارىق سۋ جۇيەلەرىنىڭ جالپى ۇزىندىعى 27 شاقىرىمدى قۇرايدى ونىڭ ىشىندە 5 شاقىرىمى لاتوكتى ارىق جۇيەسى. مويناق اۋلىندا 3،20 شاقىرىمدى قۇرايتىن اينالمالى كانال ورناتىلعان، – دەدى تالدىقورعان قالاسى توتەنشە جاعدايلار باسقارماسى باستىعىنىڭ ورىنباسارى ازاماتتىق قورعاۋ مايورى ولجاس وسەربايەۆ.
توتەنشە جاعدايدىڭ الدىن الۋ ءۇشىن، «قىزىل تاس» ساياجاي قوعامىندا – 1 شاقىرىم، «المالى-اششىبۇلاق» ساياجاي قوعامىندا – 2،9 شاقىرىم، مويناق اۋىلىندا – 712 مەتر قۇرايتىن قورعانىس بوگەتتەرىنە، سۋ شىعارۋ ارنالارىنا نىعايتۋ، قالپىنا كەلتىرۋ جانە تازارتۋ جۇمىستارى جۇرگىزىلدى.
مامانداردىڭ ايتۋىنشا، اتقارىلعان شارالارىنىڭ ناتيجەسىندە 2020 جىلى جانە 2021 جىلدىڭ وتكەن كەزەڭىندە تۇرعىن ۇيلەر مەن شارۋاشىلىق جۇرگىزۋ وبەكتىلەرىن سۋ باسۋ فاكتىلەرى تىركەلمەگەن.
الدا-جالدا قىزىل سۋ باسقان جاعدايدا تۇرعىنداردى ەۆاكۋاسيالاۋعا 14 مەكتەپ پەن ءى. جانسۇگىروۆ اتىنداعى ۋنيۆەرسيتەتتىڭ سپورت زالدارى ارنايى جاساقتالعان. وسىلايشا ازاماتتاردىڭ جەكە باس قاۋىپسىزدىگى ساقتالماق.
قاتەر اياق استىندا ەكەنى انىق. سۋ تاسقىنىنان بولەك، ءورت شارپۋىدا ءاپ ساتتە ەكەنىن ەستەن شىعارماعان ابزال. جىل باسىنان بەرى قالادا 17 ءورت وقيعاسى تىركەلگەن. ونىڭ ىشىندە 12 تۇرعىن ءۇي سەكتورى قىزىل جالىننىڭ شارپۋىندا قالعان.
جاۋاپتىلار، ءوز كەزەگىندە بارشا ادامزاتتى ۇقىپتى بولۋعا، اسىرەسە تابيعي گازدى پايدالانۋ كەزىندە قاۋىپسىزدىك ەرەجەلەرىن ساقتاڭىزدار دەپ دابىل قاعۋدا. ۋلى گازدان كەلەتىن قاتەردى بولدىرماۋ ماقساتىندا قالا اكىمدىگىنىڭ قولداۋىمەن 1682 گاز داچيكتەرى الەۋمەتتىك وسال توپ وكىلدەرىنىڭ ۇيىنە ورناتىلعان. سايكەسىنشە، ءورت شىعۋ سالدارىدا ازايعان.
