Taldyqorǵan qazaq mádenietin álemge tanytyp jatyr
Taldyqorǵanda «Jahandaǵy zamanaýi qazaqstandyq mádenietti ilgeriletý» atty I Halyqaralyq ǵylymi-tájiribelik konferentsiia bastaldy. QR Mádeniet jáne sport ministrligi, QR Aqparat jáne qoǵamdyq damý ministrliginiń qoldaýymen «Rýhani jańǵyrý» ortalyq jobalyq keńsesi, Almaty oblysy ákimdiginiń qoldaýymen uiymdastyrǵan aýqymda sharaǵa Frantsiia, Armeniia, Qyrǵyzstan, Polsha syndy memleketterden ǵalymdar keldi.
Úsh kúndik sharanyń ashylý saltanaty Biken Rimova atyndaǵy drama teatrynda ótti. Almaty oblysy ákiminiń orynbasary Lázzat Turlashov jinalǵandardy tarihi taǵylymy tereń sharanyń bastalýymen quttyqtap, jobanyń mańyzdylyǵyna toqtaldy.
– Bul – elimizdiń rýhani, mádeni ómirinde eshqashan bolmaǵan, tuńǵysh ári teńdessiz oqiǵa. Jer júzi Qazaqstan qandai el ekenin, qazaq qandai ult ekenin, negizinen, osy joba arqyly tanityn bolady, – dedi L.Turlashov.
Konferentsiiaǵa halyqaralyq spikerler retinde Sorbonna ýniversitetiniń professory, Halyqaralyq ǵylym jáne óner institýtynyń direktory, «Plastik Art & Science» Sorbonna baspa baǵdarlamasynyń direktory Olga Kisseleva, akter, Halyqaralyq «HIGHFEST» óner festivaliniń prezidenti, Metropolitan London ýniversitetiniń professory, doktor Artýr Gýkasian Qazaqstan men Qyrǵyzstandaǵy mádeniet jáne yntymaqtastyq máseleleri boiynsha Frantsiia Elshiliginiń keńesshisi Giiom Kasperskii, Belorýs memlekettik mádeniet jáne óner ýniversitetiniń psihologiia jáne pedagogika kafedrasynyń meńgerýshisi, pedagogika ǵylymdarynyń doktory, Germaniiadaǵy MAGO bilim berýdi izgilendirý halyqaralyq akademiiasynyń tolyq múshesi Irina Malahova, dramatýrg, teatr synshysy, «Thaetr - Dialogue» festivaliniń art-direktory, «Nova Scena» klasteriniń negizin qalaýshy Tomash Kirenchýk arnaiy shaqyryldy.
Konferentsiianyń plenarlyq otyrysynyń moderatory – tanymal telejúrgizýshi, jýrnalist Aigúl Múkei.
Qazaqstandyq mádeniettiń jetistikterin, salt-dástúrin álemge pash etý maqsatynda qonaqtarǵa qazaqtyń ulttyq buiymdary men taǵamdary keńinen tanystyryldy. Erekshe qyzyǵýshylyq bildirgen qatysýshylar ulttyq kiimderimizdi kiip, estelik sýretke de tústi.
– Qazaqstanǵa Frantsiia eliniń mádenietin tanystyrý, tájiribie almasý maqsatynda keldik. Qazaqstandyq mádenietti álemdik arenada tanytý, onyń óz elimizde jaqsy kózqaras qalyptasýyna yqpal etemiz. «Rýhani jańǵyrý» baǵdarlamasyn iske asyrý – HHI ǵasyrda elimizdiń básekege qabilettiligin arttyratyn keshendi ári qyzǵylyqty jumys, – dedi Frantsiia Elshiliginiń keńesshisi Giiom Kasperskii.
Baljan JUMANBEKOVA
