Taldyqorǵan-Óskemen avtojolyn qaita jańartý jumystary 2024 jyldyń sońyna deiin aiaqtalýy múmkin. «QazAvtoJol» ulttyq kompaniiasy Taldyqorǵan-Qalbataý-Óskemen avtojolyn qaita jańartý boiynsha 287-615 shaqyrym aralyǵynda Jetisý oblysyndaǵy 314 shaqyrymdy quraityn negizgi jumystardy aiaqtady, dep habarlaidy Dalanews.kz.
314 shaqyrym joldyń 32 shaqyrym I tehnikalyq sanatqa, al 282 shaqyrym II tehnikalyq sanatqa aýystyryldy.
Avtojoldyń joǵary qabatyna qiyrshy tasty-mastikalyq asfalttóseldi. Qurylysqa 5 asfalt-beton zaýyty, 500-den astam tehnika men 700-ge jýyq adam jumyldyryldy, olardyń basym kópshiligi jergilikti turǵyndar.
– Joldyń bul ýchaskesi Almaty men Alakól arasyndaǵy jyldam jáne jaily qatynasty qamtamasyz ete otyryp, bul Qazaqstandaǵy ishki týrizmniń damýyna yqpal etedi. Jol paidalanýshylarǵa qolaily jaǵdai jasaý maqsatynda 12 demalys alańy jáne 10 zamanaýi sanitarlyq-gigienalyq torap soǵý josparlanǵan, onyń ishinde 4 sanitarlyq-gigienalyq toraby qoldanysqa berildi, - deidi «QazAvtoJol» ulttyq kompaniiasynyń qyzmetkerleri.
Taldyqorǵan-Óskemen jolyn qaita jańartý jumystaryn 2024 jyldyń sońyna deiin aiaqtaý josparlanǵan
