ChatGPT-di ázirleýshi kompaniia Qazaqstan biýdjetine 1,8 milliard teńge kóleminde salyqty tolyq tólemegen. Bul soma salyq organdarynyń habarlamasynan keiin ǵana biýdjetke aýdarylǵan, dep habarlaidy dalanews.kz.
Bul týraly Memlekettik kirister komitetiniń tsifrlyq aktivterdi ákimshilendirý basqarmasynyń basshysy Talǵat Ádilov aitty. 2025 jyldyń qorytyndysy boiynsha fiskaldyq organdar salyq tólenýine qatysty suraq týyndaǵan 77 sheteldik internet kompaniiany anyqtaǵan.
Platformalardyń bir bóligi Qazaqstanda shartty tirkeýde turmaǵan. Al keibir kompaniialarda qazaqstandyq paidalanýshylar jasaǵan tólemder kólemi men tólengen qosylǵan qun salyǵy arasynda sáikessizdik anyqtalǵan.
Talǵat Ádilovtiń aitýynsha, habarlama alǵannan keiin shamamen segiz kompaniia óz mindetin oryndaǵan.
"Iri somalar týraly aitsaq, ChatGPT 2025 jyl úshin tólenbegen 1,8 milliard teńge salyqty keiin tóledi", - dedi Talǵat Ádilov.
Iri tólem jasaǵan kompaniialardyń taǵy biri - AliExpress. Kameraldyq baqylaý nátijesinde marketpleis Qazaqstan biýdjetine 600 million teńgeden asa qarajat aýdarǵan.
