ChatGPT-دٸ ەزٸرلەۋشٸ كومپانييا قازاقستان بيۋدجەتٸنە 1,8 ميلليارد تەڭگە كٶلەمٸندە سالىقتى تولىق تٶلەمەگەن. بۇل سوما سالىق ورگاندارىنىڭ حابارلاماسىنان كەيٸن عانا بيۋدجەتكە اۋدارىلعان, دەپ حابارلايدى dalanews.kz.
بۇل تۋرالى مەملەكەتتٸك كٸرٸستەر كوميتەتٸنٸڭ تسيفرلىق اكتيۆتەردٸ ەكٸمشٸلەندٸرۋ باسقارماسىنىڭ باسشىسى تالعات ەدٸلوۆ ايتتى. 2025 جىلدىڭ قورىتىندىسى بويىنشا فيسكالدىق ورگاندار سالىق تٶلەنۋٸنە قاتىستى سۇراق تۋىنداعان 77 شەتەلدٸك ينتەرنەت كومپانييانى انىقتاعان.
پلاتفورمالاردىڭ بٸر بٶلٸگٸ قازاقستاندا شارتتى تٸركەۋدە تۇرماعان. ال كەيبٸر كومپانييالاردا قازاقستاندىق پايدالانۋشىلار جاساعان تٶلەمدەر كٶلەمٸ مەن تٶلەنگەن قوسىلعان قۇن سالىعى اراسىندا سەيكەسسٸزدٸك انىقتالعان.
تالعات ەدٸلوۆتٸڭ ايتۋىنشا, حابارلاما العاننان كەيٸن شامامەن سەگٸز كومپانييا ٶز مٸندەتٸن ورىنداعان.
"ٸرٸ سومالار تۋرالى ايتساق, ChatGPT 2025 جىل ٷشٸن تٶلەنبەگەن 1,8 ميلليارد تەڭگە سالىقتى كەيٸن تٶلەدٸ", - دەدٸ تالعات ەدٸلوۆ.
ٸرٸ تٶلەم جاساعان كومپانييالاردىڭ تاعى بٸرٸ - AliExpress. كامەرالدىق باقىلاۋ نەتيجەسٸندە ماركەتپلەيس قازاقستان بيۋدجەتٸنە 600 ميلليون تەڭگەدەن اسا قاراجات اۋدارعان.
