Politsiia túngi ýaqytta shýly merekelik sharalar ótkizýden bas tartýǵa shaqyrdy, dep habarlaidy dalanews.kz.
Politsiia merekelik is-sharalar kezinde qoǵamdyq tártipti saqtaý qajet ekenin eske saldy. Keiingi ýaqytta týǵan kún, otbasylyq mereke jáne basqa da mańyzdy kúnderdi atap ótý barysynda azamattardyń shamadan tys shý shyǵaryp, toi-dýman uiymdastyrýy jiilegen.
Tártip saqshylarynyń aitýynsha, mundai is-sharalar kóbine qoǵamdyq tártip buzylýyna jáne turǵyndardyń tynyshtyǵyna kedergi keltiredi.
Ásirese, túngi ýaqytta turǵyn úiler mańynda jáne qoǵamdyq oryndarda otshashý atyp, pirotehnikalyq buiymdar men túrli shý shyǵaratyn quraldardy paidalaný adamdardyń alańdaýshylyǵyn týdyrady.
Sonymen qatar, mundai jiyndarda qoǵamdyq oryndarda ishimdik ishý, tynyshtyqty buzý jáne aýmaqtardy qoqys pen pirotehnika qaldyqtaryna toltyrý derekteri de kezdesedi.
Politsiia qoǵamdyq tártipti buzǵany úshin zańda jaýapkershilik qarastyrylǵanyn eskertti.
